Kid Charlemagne

«Kid Charlemagne» er ein song av den amerikanske rockegruppa Steely Dan, som kom ut på singel i 1976 frå albumet deira The Royal Scam. Singelen nådde 82. plassen på Billboard-lista.^[1] Der er ei blanding av ein funkrytme og jazzharmoniar med rock and roll-instrumentering og tekststil. Gitarsoloen av jazzfusion-gitaristen Larry Carlton vart rangert på 80. plassen på lista over dei 100 beste gitarsoloane hos Rolling Stone, som skreiv at «Seint i 1970-åra laga Steely Dan plater ved hjelp av ei rekkje, dyktige studiomusikarar i opptak etter opptak skapte ei endelaus rekkje med gitarsoloar som gjev ein hakeslepp. Larry Carlton kosmiske jazzsolo i fleire lag på dette sporet kan vere den beste av die alle: Han er så kompleks at det er ein song i seg sjølv.»^[2]

Kid Charlemagne Singel av Steely Dan frå albumet The Royal Scam
B-side	Green Earrings
Språk	engelsk
Utgjeve	Mai 1976
Sjanger	Funkrock, poprock, jazzfusion, jazzrock
Lengd	4:38
Selskap	ABC
Tekstforfattar	Walter Becker
Låtskrivar(ar)	Walter Becker, Donald Fagen
Produsent	Gary Katz
Steely Dan-kronologi
«Bad Sneakers» (1975)	Kid Charlemagne	«The Fez» (1976)

Teksten fortel soga om korleis ein dopseljar kjem seg opp, før han fell ned i eit psykedelisk miljø i 1960-åra på Vestkysten i USA. Walter Becker og Donald Fagen, som skreiv songen, har sagt at teksten var laust basert på LSD-kjemikaren Owsley Stanley frå San Francisco.^[3]

Medverkande

• Donald Fagen – solovokal, orgel
• Larry Carlton – sologitar
• Walter Becker – rytmegitar
• Don Grolnick – Fender Rhodes elektrisk piano
• Paul Griffin – Hohner Clavinet
• Chuck Rainey – bass
• Bernard Purdie – trommer
• Donald Fagen, Michael McDonald, Venetta Fields, Clydie King, Sherlie Matthews – korvokal

Anna bruk

• Kanye West sampla songen på «Champion» frå albumet Graduation i 2007. Becker og Fagen nekta først å la West bruke songen. Dei endra meining etter å ha fått eit personleg brev frå West som forklarte kor viktig songen var for han.^[4]

• I TV-serien Malcolm in the Middle, i fjerde sesong episode 15, finn Hal (Bryan Cranston) ein gammal radiosendar han brukte på college for ei piratradiosending han dreiv under pseudonymet «Kid-Charlemagne».^[5]