The Royal Scam

The Royal Scam er det femte studioalbumet til Steely Dan, opphavleg gjeve ut av ABC Records i 1976. Albumet selde til gullplate og nådde 15. plassen på den amerikanske albumlista.^[3] The Royal Scam er meir gitardominert enn det førre Steely Dan-albumet Katy Lied, som hadde vore det første utan den opphavlege gitaristen Jeff Baxter. Gitaristane på albumet var Walter Becker, Denny Dias, Larry Carlton, Elliott Randall og Dean Parks.

The Royal Scam Studioalbum av Steely Dan
Språk	engelsk
Utgjeve	31. mai 1976
Innspelt	November 1975 til mars 1976
Studio	ABC Studios i Los Angeles A&R Studios i (Manhattan) New York
Sjanger	Jazzrock[1] funk[2]
Lengd	41:11
Selskap	ABC
Produsent	Gary Katz
Steely Dan-kronologi
Katy Lied (1975)	The Royal Scam	Aja (1977)
Singlar frå The Royal Scam
«Kid Charlemagne» Utgjeve: Mai 1976 «The Fez» Utgjeve: 1976 «Haitian Divorce» Utgjeve: 1976

Som mange andre Steely Dan-album har The Royal Scam mange kryptiske antydingar til folk og hendingar som var både verkelege og oppdikta. I eit intervju med BBC i 2000,^[4] sa Becker og Fagen at «Kid Charlemagne» er laust basert på Augustus Owsley Stanley, den berykta «dopkokken» som var kjend for å produsere hallusinogene stoff, og «Caves of Altamira», basert på ei bok av Hans Baumann, handlar om tap av uskuld og soga om ein som vitjar Altamiragrotta der han vert forbløffa av dei førhistoriske teikningane. Han er òg inspirert av grotteallegorien til Platon og Keats-diktet «Ode to a Grecian Urn».

Albumet kom ut på ny på MCA Records i 1979, etter at ABC Records vart selt til MCA.

Plateomslag

Plateomslaget syner ein mann i dress som søv på ein radiator og tilsynelatande drøymer om eit skyskrapar-liknande monster. Plateomslaget vart måla av Zox og eit fotografi av Charlie Ganse. Det vart eigentleg laga for eit album av Van Morrison frå 1975 som aldri kom ut, Mechanical Bliss, der konseptet var ein satire over den amerikanske draumen. I teksten til plateomslaget til den ommastra utgåva frå 1999 hevda Fagen og Becker at det var «det mest grufulle plateomslaget i 70-åra, kanskje utanom Can't Buy a Thrill.»

Eagles-referanse og meir

I songen «Everything You Did», seier teksten «turn up the Eagles, the neighbors are listening.» Glenn Frey frå Eagles sa «Visstnok elska kjærasten til Walter Becker Eagles, og ho spelte dei heile tida. Eg trur han vart sprø av det. Så soga går at dei krangla ein dag og at det var starten på den linja.» Sidan dei to banda hadde same manager (Irving Azoff) og at Eagles hevda å vere stor fan av Steely Dan, var dette meir vennleg enn vondsinna.^[5]

Seinare det året sende Eagles ein takk attende til Steely,^[6] og inspirert av tekststilen til Steely Dan,^[7] skreiv dei teksten, «They stab it with their steely knives but they just can't kill the beast» i hitten «Hotel California». Frey sa «Men ønskte å berre antyde til Steely Dan i staden for å nemne dei direkte, så 'Dan' vart endra til 'knives,' som på eit vis framleis er ein penismetafor.».^[5] Timothy B. Schmit, som song korvokal på «The Royal Scam» vart seinare med i Eagles.

Mottaking

Meldingar
Karakter
Kjelde	Karakter
AllMusic	[8]
Chicago Tribune	[9]
Christgau's Record Guide	B[10]
Encyclopedia of Popular Music	[11]
The Great Rock Discografi	6/10[12]
MusicHound Rock	3/5[13]
Pitchfork	8.3/10[14]
Q	[15]
Rolling Stone	[16]
The Rolling Stone Album Guide	[17]

Albumet fekk ikkje like god omtale som dei tidlegare albuma deira og dei fleste kritikarane var samde i at det ikkje synte noko musikalsk framgang. Den originale meldinga i Rolling Stone var derimot meir positiv,^[18] og gav til slutt fem av fem stjerner i ei seinare Hall of Fame-melding.^[16] I 2000 vart albumet plassert på 868. plassen på Colin Larkin-boka All Time Top 1000 Albums.^[19]

Innhald

Alle spor skrivne av Walter Becker og Donald Fagen, utanom der andre er nemnde

Side ein

Nr.	Tittel	Låtskrivar(ar)	Solo(ar)	Lengd
1.	«Kid Charlemagne»		gitar: Larry Carlton	4:38
2.	«The Caves of Altamira»		tenorsaksofon: John Klemmer	3:34
3.	«Don't Take Me Alive»		gitar: Larry Carlton	4:16
4.	«Sign in Stranger»		piano: Paul Griffin, gitarsolo: Elliott Randall, men ein trur det var i røydna Larry Carlton	4:23
5.	«The Fez»	Becker, Fagen, Paul Griffin	gitar: Walter Becker	4:01

Side to

Nr.	Tittel	Solo(ar)	Lengd
6.	«Green Earrings»	gitar: Denny Dias (1.) og Elliott Randall (2.)	4:05
7.	«Haitian Divorce»	talkbox-gitar: Dean Parks, endra av Walter Becker	5:53
8.	«Everything You Did»	gitar: Larry Carlton	3:55
9.	«The Royal Scam»	gitar: Larry Carlton	6:28

Medverkande

^[20]

Steely Dan

• Donald Fagen – klaverinstrument, vokal, korvokal
• Walter Becker – bassgitar, gitar

Andre medverkande

• Paul Griffin – klaverinstrument
• Don Grolnick – klaverinstrument
• Denny Dias – gitar
• Larry Carlton – gitar
• Dean Parks – gitar
• Elliott Randall – gitar
• Jim Horn – saksofon
• Plas Johnson – saksofon
• John Klemmer – saksofon
• Chuck Findley – trompet
• Bob Findley – horn
• Dick Hyde – horn, trombone
• Chuck Rainey – bass
• Rick Marotta – trommer («Don't Take Me Alive», «Everything You Did»)
• Bernard Purdie – trommer (alle andre spor)
• Gary Coleman – perkusjon
• Victor Feldman – perkusjon, klaverinstrument
• Timothy B. Schmit – korvokal
• Venetta Fields – korvokal
• Clydie King – korvokal
• Sherlie Matthews – korvokal
• Michael McDonald – korvokal

Produksjon

• Gary Katz – produsent
• Roger Nichols – lydteknikar
• Barney Perkins – miksing
• Dinky Dawson – lydkonsulent
• Walter Becker – blåsearrangement
• Donald Fagen – blåsearrangement
• Chuck Findley – blåsearrangement
• Ed Caraeff – kunstnarisk leiar
• Zox – plateomslag
• Tom Nikosey – typografi

Salslister

Vekeslister

År	Liste	Plassering
1976	US Albums	15[3]
1976	UK Albums	11

Singar

År	Singel	Selskap & nummer	Listeplassering
1976	«Kid Charlemagne» (B-side: «Green Earrings»)	ABC 12195	US 82[21]
1976	«The Fez» (B-side: «Sign in Stranger»)	ABC 12222	US 59[21]
1976	«Haitian Divorce» (B-side: «Sign in Stranger»)	ABC 4152 (britisk versjon)	UK 17[22]