Kleppe

Kleppe er administrasjonssenteret i Klepp kommune på Jæren i Rogaland fylke. På Kleppe bur det om lag 3000 menneske, men medrekna Verdalen er det 9 922 innbyggjarar per 1. januar 2024 i tettstaden Kleppe/Verdalen.

Kleppe
stad
Byggeaktivitet i Kleppe sentrum våren 2007
Land	Noreg
Fylke	Rogaland fylke
Kommune	Klepp kommune
Kleppe 58.773611111111°N 5.6327777777778°E / 58.773611111111; 5.6327777777778
Wikimedia Commons: Kleppe

Klepp kyrkje frå 1846 ligg mellom dei to høgdedraga Kleppevarden og Haugabakka. Nedanfor kyrkja ligg Kleppekrossen, som er sentrum i bygda. Det ligg rundt krysset mellom hovudvegen over Jæren (Rv.44) og den ytre hovudvegen vidare nordover til Sola og Stavanger (Rv.510). Rv.44 går i dag i tunnel under Kleppevarden nord for Klepp kyrkje og vest for det tidlegare vegkrysset.^[1]

I Kleppekrossen finst bankar og ymse butikkar . I nordaustre delen av Kleppe ligg Klepp stadion og Kleppe skule. Vidare i austleg retning mot Klepp stasjon ligg idretts- og symjehall, turnhall og ny ungdomsskule (bygd i 2005).