Kodok

Kodok (arabisk كودوك, før 1905 Fashoda) er ein by i delstaten Upper Nile i Sør-Sudan.^[1] Han ligg ved vestbreidda av Kvitnilen, i det tradisjonelle leveområdet til shillukfolket.^[2] Byen er framfor alt kjend for ein fransk-britisk konflikt i åra 1898–1899, som nesten førte til krig mellom dei to kolonimaktene.^[3][4]

Kodok
by
Land	Sør-Sudan
Stat	Upper Nile
Fylke	Fashoda County
Folketal	7 709 (2012)
Kodok 9.8875°N 32.110277777778°E / 9.8875; 32.110277777778
Wikimedia Commons: Kodok

Fashoda ble grunnlagd som ein tyrkisk-egyptisk militærpost av khediv Ismail i 1863 på staden der shillukkongen Denab hadde tilhald. Den fyrste shillukkongen, Nyikang, hadde grunnlagd ein busetnad her tidleg på 1500-talet.^[2]

Byen blei besett den 10. juli 1898 av ein fransk ekspedisjon under Jean-Baptiste Marchand. Den franske framtrenginga til Nilen førte til alvorlege politiske forviklingar mellom Frankrike og Storbritannia då Horatio Herbert Kitchener kom fram til Fashoda under ekspedisjonen sin mot kalifen Abdullahi den 21. september 1898.

Frankrike oppgav til slutt krava sine og franskmennene forlét stasjonen den 11 desember same året. I 1899 utskreiv Frankrike ei erklæring om at den franske staten trekte seg ut av Nildalen, og det blei trekt opp ei ny grense mellom dei britiske og franske interesseområda.