Krossmesse om våren

Krossmesse om våren, latin inventio crucis, er ein merkedag 3. mai. Primstavmerket er ein stor kross.

Helena og Konstantin (Sazonow)

Opphavleg var dagen feira til minne om dagen i år 324 då den heilage Helena etter tradisjonen fann Jesu kross i Jerusalem. I norsk tradisjon var krossmesse lenge nytta i folkeleg tidsrekning. Mange stader rekna ein buskapen som framfødd ved krossmesse, i dei tidlegaste stroka var krossmesse første sådagen. Alle gjerde og grinder skulle vere oppsette til krossmesse.

Kjelder

• Kjell Bondevik (1957) i Norsk Allkunnebok
• Norsk historisk leksikon

Sjå òg

• Krossmesse om hausten