Kvisthopparfamilien

Kvisthopparfamilien, Stenostiridae, er ein biologisk familie av små sporvefuglar som er definert som eit resultat av nyare funn i molekylær systematikk (Beresford et al. 2005).

Kvithaleelminia, Elminia albicauda

Foto: Tom Tarrant

Utbreiingskart for kvisthopparfamilien samla sett

Kvisthopparfamilien
Gråhovudflugejeger, Culicicapa ceylonensis Foto: CharlesLam
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sporvefuglar Passeriformes
Parvorden:	Passerida
Overfamilie:	Sylvioidea
Familie:	Kvisthopparfamilien Stenostiridae Beresford, Barker, Ryan & Crowe, 2005

Denne nye kladen har fått namnet etter arten kvisthoppar, Stenostira scita, tidlegare plassert i flugesnapparfamilien. Arten er no sameint med slekta Elminia, tidlegare plassert i monarkfamilien og den nærskylde flugesnapparslekta Culicicapa. (Beresford et al. 2005, Fuchs et al. 2006)

Fleire andre afrikanske eller asiatiske artar kan tenkjast å falle inn i denne nye kladen. Slekta Myioparus i flugesnapparfamilien er morfologisk noko konvergent til Stenostira (Jønsson & Fjeldså 2006).

Stenostiridae er akseptert av Clementslista^[1] og av IOC World Bird List. ^[2]

Artslista

Kvisthopparfamilien i rekkjefølgje etter eBird/Clements Checklist v2017^[3] med norske namn etter Norske navn på verdens fugler:^[4]

Slekt Stenostira, utbreiing i sørlege Afrika

• Kvisthoppar, Stenostira scita, Fairy Flycatcher, Vieillot, 1818, (LC)

Slekt Chelidorhynx, Himalaya, Tibet, nordaustlege India, Sør-Kina sørover til nordlegaste Indokina

• Gulbuk, Chelidorhynx hypoxantha, Yellow-bellied Fairy-Fantail, Blyth, 1843, (LC)

Slekt Elminia, utbreiing i Afrika sør for Sahara, men nord for Sør-Afrika

• Blåelminia, Elminia longicauda, African Blue Flycatcher, Swainson, 1838, (LC)
• Kvithaleelminia, Elminia albicauda, White-tailed Blue Flycatcher, Barboza du Bocage, 1877, (LC)
• Gråbukelminia, Elminia nigromitrata, Dusky Crested-Flycatcher, Reichenow, 1874, (LC)
• Kvitbukelminia, Elminia albiventris, White-bellied Crested-Flycatcher, Sjöstedt, 1893, (LC)
• Kvittippelminia, Elminia albonotata, White-tailed Crested-Flycatcher, Sharpe, 1891, (LC)

Slekt Culicicapa, Søraust-Asia, aust til Filippinane

• Gråhovudflugejeger, Culicicapa ceylonensis, Gray-headed Canary-Flycatcher, Swainson, 1820, (LC)
• Sitronflugejeger, Culicicapa helianthea, Citrine Canary-Flycatcher, Wallace, 1865, (LC)