Lattakia-distriktet

Lattakia-distriktet (arabisk منطقة اللاذقية, Minṭaqat al-Lādhiqīyah) er eit distrikt (mantiqah) i Lattakia guvernement i Syria. I folketeljinga i 2004 hadde det eit folketal på 526 888.^[1] Senteret i distriktet er byen Lattakia.

Lattakia-distriktet
distrikt
Land	Syria
Guvernement	Lattakia guvernement
Administrasjonsstad	Lattakia
Areal	971,61 km²
Folketal	526 888  (2004)
Lattakia-distriktet 35.53°N 35.78°E / 35.53; 35.78
Wikimedia Commons: Latakia District

Lattakia og det kringliggande distriktet vart ein eigen sjølvstendig stat under eit mandat gjeven til Frankrike av Folkeforbundet. Det var sjølvstendig i to år før det vart innlemma i det større franske mandatet i Syria i 1923. Han vart i tida med sjølvstende kalla «Alawittarstaten», sidan dei fleste innbyggjarane var alawittar.

Jordbruk har vore ei viktig næring i provinsen med sitrusfrukt, eple, og oliven som dei viktigaste avlingane. Turisme, hovudsakleg frå Gulfstatane, er òg ei viktig næring for innbyggjarane på sommaren.

Inndelingar

Distriktet Lattakia er delt inn i sju underdistrikt eller nāḥiyaer (folketala er frå folketeljinga i 2004):

• Lattakia nahiyah (ناحية اللاذقية): folketal 424 392.^[2]
  • Største stader: Sqoubin, Burj al-Qasab, Baksa, Sitmarkho, Sinjwan, al-Shamiyah, Al-Qanjarah, Kirsana og Mushayrafet al-Samouk.
• Al-Bahluliyah nahiyah (ناحية البهلولية): folketal 17 532.^[3]
  • Største stader: Al-Jandiriyah.
• Rabia nahiyah (ناحية ربيعة): folketal 8 214.^[4]
• Ayn al-Baydah nahiyah (ناحية عين البيضة): folketal 30 959.^[5]
  • Største stader: Burj Islam, al-Shabatliyah, Salib al-Turkman, al-Safsaf og Mashqita.
• Qastal Ma'af nahiyah (ناحية قسطل معاف): folketal 16 784.^[6]
  • Største stader: Umm al-Tuyour, al-Badrusiyah, Balloran og Zighrin.
• Kesab nahiyah (ناحية كسب): folketal 1 927.^[7]
• Hanadi nahiyah (ناحية هنادي): folketal 27 080.^[8]
  • Største stader: Al-Bassah, al-Shir, al-Sanawbar og Fideo.