Leftoverture

Leftoverture er det fjerde studioalbumet til det amerikanske rockebandet Kansas, gjeve ut i 1976. Det var det første albumet til bandet som selte til gullplate og er til no det bestseljande albumet deira med over 5 millionar selte eksemplar i USA.^[1]

Leftoverture Studioalbum av Kansas
Språk	engelsk
Utgjeve	21. oktober 1976
Innspelt	Desember 1975 til august 1976
Studio	Studio in the Country i Bogalusa i Louisiana
Sjanger	Progressiv rock
Lengd	43:40
Selskap	Kirshner (USA) Epic (Europe and Japan) CBS (Oceania)
Produsent	Jeff Glixman, Kansas
Kansas-kronologi
Masque (1975)	Leftoverture	Point of Know Return (1977)
Singlar frå Leftoverture
«Carry On Wayward Son» Utgjeve: 19. november 1976 «What's on My Mind» Utgjeve: 1977

Albumet kom ut med ommastra lyd i 2001.

Bakgrunn

Steve Walsh fekk skrivesperre før innspelinga av albumet, så bidraga hans er avgrensa til medlåtskrivar på tre songar. Kerry Livgren måtte derfor fylle resten av albumet.^[2] Dei nye komposisjonane hadde mykje av den same kompleksiteten inspirert av klassisk musikk, som tidlegare songar av Livgren.^[2] Kansas spelte inn albumet i Studio in the Country i Bogalusa i Louisiana. Studio in the Country fekk dette namnet fordi, som Livgren skildra i eit radioprogram, «det låg midt ein sump. Når me gjekk ut døra i studio låg det alligatorar der, med mygg på storleik av B-52-fly og stundom beltedyr som sprang inn i kontrollrommet.»^[3]

Leftoverture opnar med songen «Carry On Wayward Son», som Livgren skreiv som ein oppfølgjar til «The Pinnacle», den siste songen på det førre albumet, Masque (1975).

Mottaking

Meldingar
Karakter
Kjelde	Karakter
AllMusic	[4]
Christgau's Record Guide	D+[5]
MusicHound Rock	4/5[6]

Albumet fekk middels kritikk. Rolling Stone kalla Leftoverture det beste Kansas-albumet til då og sa at det «garanterer Kansas ein stad rett ved siden av Boston og Styx som ei av dei ferske, nye amerikanske banda som kombinerer hardtkøyrande instrumentering (utan prangande soloar) med korte, stramme melodilinjer og hyggeleg song.»^[7] Magasinet Playboy kalla albumet «særs sterkt» og rosa Kansas for å representere «dei solide verdiane frå Midtvesten i vår enorme musikalske kjerne.»^[8] Robert Christgau sa at albumet mangla intelligensen og overtydinga til europeisk progressiv rock, og at den sjølvutslettande humoren som var implisert i titlane på songane og albumet ikkje var å sjå i sjølve songane.^[5]

Stephen Thomas Erlewine i AllMusic skreiv at albumet inneheld «verken knaggar eller nok stordom til å vere interessant» og trass i den flotte singelen «Carry On Wayward Son», er det faktum at Kansas «aldri klarer å konkurrere med denne andre stader på denne plata, like mykje eit vitnesbyrd om den lammande ambisjonen deira som den manglande dugleiken.»^[4] Ultimate Classic Rock reknar «Carry On Wayward Son», «Magnum Opus», «The Wall», «What's on My Mind» og «Opus Insert» som klassikarar.^[9]

Innhald

Side ein

Nr.	Tittel	Låtskrivar(ar)	Lengd
1.	«Carry On Wayward Son»		5:23
2.	«The Wall»	Livgren, Steve Walsh	4:51
3.	«What's on My Mind»		3:28
4.	«Miracles Out of Nowhere»		6:28

Alle spor skrivne av Kerry Livgren utanom der andre er nemnde

Side to

Nr.	Tittel	Låtskrivar(ar)	Lengd
5.	«Opus Insert»		4:30
6.	«Questions of My Childhood»	Walsh, Livgren	3:40
7.	«Cheyenne Anthem»		6:55
8.	«Magnum Opus» a. «Father Padilla Meets the Perfect Gnat» b. «Howling at the Moon» c. «Man Overboard» d. «Industry on Parade» e. «Release the Beavers» f. "Gnat Attack»	Livgren, Walsh, Rich Williams, Dave Hope, Phil Ehart, Robby Steinhardt	8:25

Bonusspor på 2001-utgåva

Nr.	Tittel	Lengd
9.	«Carry On Wayward Son» (live i Pine Knob Music Theatre, Michigan)	4:43
10.	«Cheyenne Anthem» (live i The Palladium i New York City i desember 1977)	6:41

Medverkande

Kansas

• Steve Walsh - orgel, piano, ekstra synthesizer, vibrafon, solo- og korvokal (alle spor)
• Kerry Livgren - elektrisk gitar, piano, clavinet, Moog, Oberheim og ARP synthesizer
• Robby Steinhardt - fiolin, bratsj, solovokal på «Miracles Out of Nowhere» og «Cheyenne Anthem», korvokal
• Rich Williams - elektrisk og akustisk gitar
• Dave Hope - bassgitar
• Phil Ehart - trommer, perkusjon

Andre medverkande

• Toye LaRocca, Cheryl Norman - barnestemmer på «Cheyenne Anthem»

Produksjon

• Jeff Glixman - plateprodusent, assisterande lydteknikar
• Bill Evans - lydteknikar
• Edwin Hobgood, Ray Black - ekstra studiostøtte
• George Marino - mastering i Sterling Sound i New York City

Salslister

Album År Liste Plassering 1977 RPM100 Albums (Canada)[10] 2 Billboard 200 (USA)[11] 5

Singlar År Title Liste Plassering 1977 «Carry On Wayward Son» RPM100 Singles (Canada)[12] 5 Billboard Hot 100 (USA)[13] 11 1978 UK Singles Chart[14] 51 1977 «What's on My Mind» RPM100 Singles (Canada)[15] 89

Salstrofé

Land	Organisasjon	År	Sal
USA	RIAA	1995	4x Platina (+ 4 000 000)[1]
Canada	CRIA	1978	Platina (+ 100 000)[16]