Lengdeeininga spann

Spann kan vere ei måleining for masse, sjå masseeininga spann, eller det kan vere eit gammalt lengdemål. Ordet har opphav i norrønt spǫnn; av 'å spenne', den lengda ein kan måle ved å tøye fingrane frå kvarandre.^[1] Frå spissen av tommeltotten til spissen av langfingeren er ei langspann eller ten-spann. Frå tommelspissen til spissen på peikefingeren er ei kortspann eller kvartspann.^[2]

Måleeininga er bruka i Det gamle testamentet, her tilsvarar ei spann ei halv alen eller om lag 0,25 meter.^[3] Brystduken som var ein del av den gamle presteskruden, målte 1x1 spann .^[4]