Ligusterslekta

Ligusterslekta (Ligustrum) er ei planteslekt i tribusen Oleeae i oliventrefamilien med om lag 40 artar av opprette, lauvfellande eller eviggrønne busker, nokre gongar dannar dei små eller mellomstore tre.^[1] Dei er alle kjente under namnet liguster. Fleire av dei blir nytta som hagevekster og i nokre tilfelle som hekkplante.

Ligusterslekta
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Leppeblomordenen Lamiales
Familie:	Oliventrefamilien Oleaceae
Slekt:	Ligusterslekta Ligustrum L., 1753

Ligusterslekta er utbreidd i Nord-Afrika, Mellemausten, Kaukasus, Sibir, Aust-Asia, Indonesia og Europa med tyngdepunktet i Aust-Asia. Det er lauvfellande eller vintergrønne buskar med motsette, kortstilka og heilranda blad. Blomstrane er samla i endestilte eller akselstilte toppar. Dei einskilte blomstrane er 4-talige og regelmessige med samanvaksne kronrøyr og oftast kvite kronblad. Fruktene er svarte steinfrukter eller bær med eitt til tre frø.

Ligusterslekta står nært syrinslekta (Syringa), men har kjøttaktige bær og ikkje tørre kapslar som syrin-artane har. Desse to slektene utgjer same subtribus, Ligustrinae, i tribusen Oleeae.

Artar

Integrated Taxonomic Information System lister elleve godtekne ("accepted") artar av Ligustrum.^[2] I tillegg er andre artar lista i andre referansar.^[3][4][5]

Artar utan norsk namn er ikkje kjende frå naturen i Noreg:^[6][7]

• Ligustrum amamianum (Kina)
• Ligustrum amurense (Nordlege Kina)
• Ligustrum angustum (Kina)
• Ligustrum chenaultii (Yunnanprovinsen, Kina)
• Ligustrum compactum (Himalaya, Sørvest-Kina)
• Ligustrum confusum (Himalaya, Khasifjella)
• Ligustrum delavayanum (Sørvtest-Kina, Myanmar)
• Ligustrum expansum (Kina)
• Ligustrum gracile (Kina)
• Ligustrum henryi (Sentral-Kina)
• Ligustrum ibota (Japan)
• Ligustrum indicum (Himalaya, Indokina)
• Ligustrum japonicum japanliguster (Japan, Korea), ikkje i Noreg
• Ligustrum leucanthum (Kina)
• Ligustrum lianum (Kina)
• Ligustrum liukiuense (Taiwan)
• Ligustrum longitubum (Kina)
• Ligustrum lucidum – blankliguster (Kina, Japan, Korea), framandart i Noreg, låg risiko (LO) i Framandartslista 2018^[8]
• Ligustrum massalongianum (Himalaya)
• Ligustrum microcarpum (Taiwan); ofte inkludert i L. sinense.
• Ligustrum morrisonense (Taiwan)
• Ligustrum obovatilimbum (Kina)
• Ligustrum obtusifolium (Aust-Asia)
• Ligustrum ovalifolium – vinterliguster (Japan), framandart i Noreg, låg risiko (LO)^[8]
• Ligustrum pedunculare (Kina)
• Ligustrum pricei (Taiwan)
• Ligustrum punctifolium
• Ligustrum quihoui (Kina)
• Ligustrum retusum (Kina)
• Ligustrum robustum (Kina)
• Ligustrum sempervirens (Vest-Kina)
• Ligustrum sinense – (Kina, Taiwan)
• Ligustrum strongylophyllum (Sentral-Kina)
• Ligustrum tenuipes. (Kina)
• Ligustrum tschonoskii (Japan)
• Ligustrum vulgare – liguster (Europa, Nordvest-Afrika, Sørvest-Asia), både heimleg og framandart, livskraftig (LC) i Raudlista 2021^[9]
• Ligustrum xingrenense (Kina)
• Ligustrum yunguiense (Kina)