Live Album av Grand Funk Railroad

Live Album er det første konsertalbumet til hardrockbandet Grand Funk Railroad, opphavleg gjeve ut på Capitol Records den 16. november 1970.^[1] Den første singelen frå albumet, «Mean Mistreater», kom ut 23. november og den andre, «Inside Looking Out», kom ut i januar 1971.

Live Album Konsertalbum av Grand Funk Railroad
Språk	engelsk
Utgjeve	16. november 1970[1]
Innspelt	23.-25. juni 1970 i Florida
Sjanger	Hardrock, psykedelisk rock
Lengd	76:42
Selskap	Capitol 633
Produsent	Terry Knight
Grand Funk Railroad-kronologi
Closer to Home (1970)	Live Album	Survival (1971)
Singlar frå Live Album
«Mean Mistreater»/«Mark Say's Alright» Utgjeve: 23. november 1970 «Inside Looking Out»/"Paranoid» Utgjeve: Januar 1971

Meldingar
Karakter
Kjelde	Karakter
Allmusic	[2]
Robert Christgau	C−[3]
Rolling Stone

Albumet vart opphavleg gjeve ut som eit dobbeltalbum. Seinare utgåver på CD har kome som både dobbel- og enkelplate.

Innspeling og produksjon

Den rå energien frå desse konsertane vart fanga på lydband utan at dei vart miksa på ny eller fiksa for mykje på i studio. Denne «direkte innspelingsmetoden» gjer at det manglar litt på den tekniske biten, men syner bandet slik dei høyrdest ut.

Plateomslaget syner eit bilete av bandet frå Atlanta International Pop Festival frå 4. juli 1970, men ikkje noko av musikken på albumet vart teken opp der.

Utgjeving

Då albumet kom ut vart det slakta av kritikarane, men selde likevel godt. Den populære musikkritikaren Robert Christgau sa om albumet «Eg veit at dei har eit flott publikum. Men eit publikum og eit konsertalbum er ikkje det same--ikkje det same i det heile tatt». Han gav albumet karakteren C-.^[3] Ei nyare melding av James Chrispell for Allmusic sa at folk anten elska eller hata albumet. Chrispell skreiv òg at Grand Funk Railroad var av dei mest populære konsertbanda på den tida og at konsertane deira var mektige.^[2]

Albumet klatra til femteplassen på Billboard 200-lista og nådde 17. plassen på R&B Albums-lista. Det var det einaste albumet til bandet som klarte å nå begge desse listene.^[4] Albumet selde til gullplate ei veke etter det kom ut, og i 1991 hadde det seld til 2x platinaplate.^[1] Live Album vart det første og einaste albumet deira som nådde topp 40 på UK Albums Chart, med ein 29. plass.^[5]

Innhald

Side ein

Nr.	Tittel	Lengd
1.	«Introduction»	2:30
2.	«Are You Ready»	3:34
3.	«Paranoid»	6:20
4.	«In Need»	9:50

Side to

Nr.	Tittel	Lengd
5.	«Heartbreaker»	6:58
6.	«Inside-Looking Out»	9:21

Side tre

Nr.	Tittel	Lengd
7.	«Words of Wisdom»	0:55
8.	«Mean Mistreater»	4:40
9.	«Mark Says Alright»	5:10
10.	«T.N.U.C.»	11:45

Side fire

Nr.	Tittel	Lengd
11.	«Into the Sun»	12:10

CD-utgåva

CD-utgåva hadde rett rekkefølgje på songane, slik dei vart framførte på konserten i 1970:^[6]

Nr.	Tittel	Lengd
1.	«Introduction»	2:27
2.	«Are You Ready»	3:39
3.	«Paranoid»	7:20
4.	«In Need»	10:58
5.	«Heartbreaker»	7:10
6.	«Words of Wisdom»	0:52
7.	«Mean Mistreater»	4:53
8.	«Mark Say's Alright»	5:14
9.	«T.N.U.C.»	10:54
10.	«Inside Looking Out»	13:43
11.	«Into the Sun»	11:24

Lister

Liste (1970)	Plassering
Canada[7]	5
US Billboard 200[4]	5

Liste (1971)	Plassering
Australia[8]	15
UK Albums Chart[5]	29
US R&B Albums[4]	17