Lou Gramm

Lou Gramm (fødd 2. mai 1950) er ein USA-amerikansk rockesongar og låtskrivar, mest kjend som opphavleg songar i rockebandet Foreigner. Etter å ha blitt kjend i Foreigner, hadde Lou Gramm òg ein suksessrik solokarriere i 1980-åra.

Lou Gramm
Gramm i 2007.
Fødd	2. mai 1950 (75 år)
Fødestad	Rochester i New York i USA
Fødenamn	Louis Andrew Grammatico
Alias	Lou Gramm
Opphav	USA
Aktiv	Sidan 1967
Sjanger	Rock hardrock
Instrument	Vokal
Tilknytte artistar	Foreigner Shadow King Black Sheep
Plateselskap	Atlantic, Westwood One
Verka som	Songar-låtskrivar musikar
Prisar	Songwriters Hall of Fame

Biografi

Gramm var første trommeslagar i bandet Black Sheep, men tok over på solovokal før gruppa gav ut det sjølvoppkalla albumet sitt i 1975 på Capitol Records. Verken dette albumet eller oppfølgjaren, Encouraging Words, selde særleg godt, men det fanga merksemda til gitaristen Mick Jones, som var mest kjend for ein periode i bandet Spooky Tooth. Jones henta kort tid etter Gramm til den nye gruppa si, Foreigner, og i lag byrja dei å skrive songar, mellom andre «Cold as Ice» frå et bestseljande og sjølvoppkalla debutalbumet frå 1977. Den mektige og særeigne røysta til Gramm var å høyre på ei rekkje hittar for Foreigner dei neste åra, som «Hot Blooded», «Double Vision», «Urgent», og «Waiting for a Girl Like You». Hittane kulminerte i 1984 med den populære powerballaden «I Want to Know What Love Is», som gjekk til topps i Amerika, Noreg, Sverige, New Zealand og Storbritannia.

Då Foreigner tok ein kort pause, lanserte Gramm solokarrieren sin i 1987 med albumet Ready or Not og fekk ein stor hit med «Midnight Blue». Foreigner kom saman att og spelte inn nok ein bestseljar, Inside Information, medan Gramm fortsette solokarrieren sin i 1989 med Long Hard Look og slutta etter kort tid for å skipe sitt eige band, Shadow King. Dei gav ut eit sjølvoppkalla debutalbum i 1991 på Virgin Records. Shadow King vart kortvarig og i 1994 kom Gramm og Jones saman att i Foreigner og gav ut Mr. Moonlight.

Mot slutten av tiåret fekk Gramm påvist ein hjernesvulst og måtte operere. Etter eit år med rehabilitering og strålebehandling vart songaren heilt frisk att og kunne fortsette å turnere i 1999. Han gav seg i Foreigner igjen i 2003 og fokuserte i staden på solokarrieren.

Diskografi

Soloalbum

Tittel	Detaljar	Plassering
		U.S. [1]	CAN [2]	AUS
Ready or Not	Utgjeving: 19. januar 1987 Selskap: Atlantic Records	27	24	34
Long Hard Look	Utgjeving: 13. oktober 1989 Selskap: Atlantic Records	85	44	47
Lou Gramm Band	Utgjeving: 2. juni 2009 Selskap: Spectra Records	—	—
My Baby	Utgjeving: 9. mars 2015 Selskap: RMP Global LTD	—	—
«—» syner til at utgjevinga ikkje gjekk inn på lista

Solosinglar

År	Song	U.S. Hot 100	U.S. MSR	U.S. A.C.	UK-singlar	Dutch-singlar	AUS	Album
1987	«Midnight Blue»	5	1	-	82	29	8	Ready or Not
1987	«Ready or Not»	54	7	-	-	-	97	Ready or Not
1989	«Just Between You and Me»	6	4	4	-	-	24	Long Hard Look
1989	«True Blue Love»	40	23	-	-	-	98	Long Hard Look

med Black Sheep

• 1974 Stick Around/Cruisin (For Your Love) 45 single.
• 1975: Black Sheep
• 1975: Encouraging Words

med Foreigner

For meir om dette emnet, sjå Foreigner.

med Poor Heart

• 1988: Foreigner in a Strange Land
• 1993: The Best of the Early Years

(Note: These are actually releases of much older recordings.)

med Shadow King

• 1991: Shadow King

med Liberty N' Justice

• 2004: Welcome To The Revolution