Lough Derg

Lough Derg (Loch Deirgeirt på irsk) er den nest største innsjøen i Republikken Irland (etter Lough Corrib), og den tredje største på heile Irland (etter Lough Neagh). Han er ein lang og relativt smal innsjø med bredder i grevskapa North Tipperary (i aust), Galway (nordvest) og Clare (sørvest). Innsjøen er den siste av tre innsjøar som elva Shannon renn gjennom. Dei to andre, Lough Ree og Lough Allen, ligg lenger nord. Nokre av landsbyar langs Lough Derg er mellom anna Garrykennedy, Portumna, Killaloe og Ballina, Dromineer, Terryglass og Mountshannon.

For innsjøen i County Donegal, sjå Lough Derg i Donegal.

Lough Derg
innsjø
Utsyn mot County Clare frå County Tipperary over den sørlege delen av innsjøen.
Land	Irland
Innsjøtype	Lough
Tilsig	Shannon
Utløp	Shannon
Opphaldstid	1,8 månader
Høgd over havet	33,5 moh.
Areal	118 km²
Middeldjupn	7,6 m
Største djupn	36 m
Volum	0,887 km³
Kystlengd1	179 km
Koordinatar	52°59′N 8°19′W
Byar	Garrykennedy, Portumna, Killaloe og Ballina, Dromineer, Terryglass
Lough Derg 52.983333333333°N 8.3166666666667°W / 52.983333333333; -8.3166666666667
Plasseringa på Irland Plasseringa på Irland
Wikimedia Commons: Lough Derg (Munster)
1 Kystlengd er eit unøyaktig mål som kanskje ikkje er standardisert for denne artikkelen.

På det djupaste er innsjøen 36 meter^[1] og dekkjer eit areal på 118 km². Innsjøen er ein populær stad for båtturar, segling og fiske. Der Shannon renn vidare frå Lough Derg renn ho bratt nedover ein ås, og her vart vasskraftverket Ardnacrusha bygd i 1927, som på den tida var det tiande største i verda.

På 1800-talet var Lough Derg ei viktig transportåre frå hamna ved Limerick til Dublin gjennom kanalar sentralt i Irland. Universitet i Limerick har eit aktivitetssenter ved innsjøen, like utanfor Killaloe.

Landsbyar og mindre byar

• Ballina
• Dromineer
• Garrykennedy
• Kilgarvan
• Killaloe
• Mountshannon
• Portumna
• Scarriff
• Terryglass
• Whitegate
• Portroe

Sjå òg

• Innsjøar på Irland
• Lough Derg i Donegal, ein annan irsk innsjø med same namn.

Kjelde