Lugnaquilla

Lugnaquilla (irsk Log na Coille, som tyder ‘Skogsøkket’) er eit fjell i County Wicklow i Republikken Irland. Det er det høgaste fjellet i Leinster og det 13. høgaste fjellet på Irland.^[1] Det er det høgaste fjellet i Wicklowfjella aust på Irland og er eit av fjorten fjell på Irland over 3 000 fot med ei høgd på 925 moh.^[2] På klåre dagar kan ein sjå austover, over Irskesjøen til åsane på Llŷnhalvøya og fjella Snowdonia i Wales.

Lugnaquilla
fjell
Lugnaquilla sett frå Camara Hill
Land	Irland
Område	Wicklow
Fjellkjede	Wicklowfjella
Høgd	925 moh.
Primærfaktor	838 m
Koordinatar	52.966°N 6.463°W / 52.966; -6.463
Lugnaquilla 52.966°N 6.463°W / 52.966; -6.463
Wikimedia Commons: Lugnaquilla

Sidan det ligg nær hovudstaden Dublin er toppen av Lugnaquilla ofte vitja. Ofte vert fjellet berre kalla Lug. Lugnaquilla er eit stort fjell med ein stor platåliknande topp. På begge sider er det bratte dalbotnar.