Luzhou

Luzhou er eit byprefektur aust i provinsen Sichuan i det vestlege Kina. Byprefekturet har eit areal på 12 247 km², folketalet i prefekturet vart i 2004 berekna til 4,8 millionar. Innanfor bygrensene budde 1,4 millionar menneske i 2004. Byen Luzhou ligg i åmotet mellom elvane Chang Jiang og Tuo Jiang.

泸州 (forenkla kinesisk) Lúzhōu (pinyin)
tradisjonell kinesisk 瀘州
Land Provins	Kina Shanxi
Flatevidd	12 247 km²
Innbyggjarar	4 800 000
Innbyggjarar  • By (2010; 2020)	4 218 427, 4 254 149
Høgd	262 m
Tidssone	UTC+8 (UTC)
Nettstad: http://www.luzhou.gov.cn/
Luzhou i Sichuan Luzhou i Sichuan

Byprefekturet Luzhou omfattar tre distrikt (区 qū) og fire fylke (县 xiàn).

Luzhou har alltid vore eit senter for næringslivet i grenseområda Sichuan, Yunnan og Guizhou. Mat, drikkevarer, produksjon av kjemikaliar, samt bygging av maskinar og ulike typar utstyr er dei viktigaste næringsgreinene for den lokale økonomien.

Det gamle spritbrenneriet i Luzhou (Luzhou daqu laojiaochi, 泸州大曲老窖池) vart i 1996 teke med i Folkerepublikken Kinas liste over kulturminne.

Samferdsle

Kinas riksveg 321 går gjennom området. Han fører frå Guangzhou i provinsen Guangdong via mellom anna Wenzhou og Guilin til Chengdu, hovudstaden i Sichuan.

Bakgrunnsstoff

Kjelder

• Denne artikkelen bygger på «Luzhou» frå Wikipedia på bokmål, den 1. april 2011.