Magnar Solberg

Magnar Solberg (fødd 4. februar 1937 i Soknedal) er ein norsk tidlegare skiskyttar og politimann. Han var medlem av Trondhjems Skytterlag.

Magnar Solberg
Statsborgarskap	Noreg
Fødd	4. februar 1937 (88 år) Soknedal
Yrke	skiskyttar
Magnar Solberg på Commons

Skiskyting

Solberg tok gull på 20 kilometer under OL 1968 i Grenoble, og forsvarte gullmedaljen under OL 1972 i Sapporo. Han tok bronse på 20 kilometer både under VM 1969 og VM 1971. I fire år på rad, 1968-71, var han på norske stafettlag som vann sølvmedaljar i dei store meisterskapane, fyrst i OL og så i tre VM.

I 1968 blei han tildelt Olavstatuetten og Morgenbladets Gullmedalje.

Solberg bar det norske flagget under opningssermonien under vinter-OL 1972.

Meisterskapsmedaljar

Olympiske leikar
Medalje	Øving	År	Stad
Gull	20 km	1968	Frankrike Grenoble
Gull	20 km	1972	Japan Sapporo
Sølv	4 x 7,5 km stafett	1968	Frankrike Grenoble
Verdsmeisterskap
Medalje	Øving	År	Stad
Sølv	4 x 7,5 km stafett	1969	Polen Zakopane
Sølv	4 x 7,5 km stafett	1970	Sverige Östersund
Sølv	4 x 7,5 km stafett	1971	Finland Tavastehus
Bronse	20 km	1969	Polen Zakopane
Bronse	20 km	1971	Finland Tavastehus

Han la opp som skiskyttar i 1972.

Politi

Magnar Solberg arbeidde som etterforskar ved politikammeret i Trondheim. Han tok del i etterforskinga av Fritz Moen, ei sak som enda med justismord i det som er kjent som Moen-saka. «- Jeg tok del i den store tabben, sammen med mange andre», sa han til VG.

Bakgrunnsstoff

• NRK Trøndelag om Magnar Solberg

• Denne artikkelen bygger på «Magnar Solberg» frå Wikipedia på bokmål, den 1. mars 2012.