Malaika Mihambo

Malaika Mihambo (fødd 3. februar 1994) er ein tysk friidrettsutøvar frå Heidelberg som vart europameister 2018, verdsmeister 2019, olympisk meister 2021, verdsmeister 2022 og europameister 2024 i lengdehopp. Ho har ein personleg rekord på 7,30 meter frå verdsmeisterskapen 2019.

Malaika Mihambo
Statsborgarskap	Tyskland
Fødd	3. februar 1994 (31 år) Heidelberg
Idrett	friidrett
Tok del i	Friidrett under Sommer-OL 2016 – Lengdehopp kvinner, Friidrett under Sommer-OL 2020 – Lengdehopp kvinner, Friidrett under Sommer-OL 2024 – Lengdehopp kvinner
Utmerkingar	Sportler des Jahres, Leichtathleten des Jahres, Sportler des Jahres

Aktiv

Mihambo gjorde personbeste i lengdehopp med 6,90 meter i 2014. To år seinare tok ho bronsemedaljen i øvinga ved EM i friidrett 2016, før ho under Sommar-OL 2016 flytta sitt personbeste til 6,95 m i finalen og vart nummer 4. I Weinheim 26. mai 2018 forbetra ho rekorden sin til 6,99 meter, seinare same sommaren vart ho europameister med moderate 6,75 m.

2019-sesongen var Mihambo i sitt livs beste form. Ho forbetra den personlege rekorden til 7,07 m i Roma den 6. juni, vidare til 7,16 m i den tyske meisterskapen i Berlin 4. august, for så å toppe rekordreisa med 7,30 meter i VM finalen i Doha den 4. oktober. Under dei olympiske sommarleikane i Tokyo 2021 låg ho på tredjeplass før sjette og siste finaleomgang. I sitt siste forsøk landa ho på 7,00 meter og årsbeste, dermed la ho dei andre medaljevinnarane 3 centimeter bakom seg.

Mihambo vann den tyske meisterskapen i lengdehopp i 2016 og åra 2018-21.

Medaljar og plasseringar i internasjonale meisterskap

• VM 2013 i Moskva: Utslått i kvalifiseringa (6,49 m =nr 18)
• EM 2014 i Zürich: Nr 4 – 6,65 m
• VM 2015 i Beijing: Nr 6 – 6,79 m
• EM 2016 i Amsterdam: Bronsemedalje – 6,65 m
• OL 2016 i Rio de Janeiro: Nr 4 – 6,95 m
• EM 2018 i Berlin: Gullmedalje – 6,75 m m, framom Maryna Bekh (6,73 m)
• VM 2019 i Doha: Gullmedalje – 7,30 m, framom Maryna Bekh-Romansjuk (6,92 m)
• OL i 2021 i Tokyo: Gullmedalje – 7,00 m, framom Brittney Reese (6,97 m)
• VM 2022 i Eugene: Gullmedalje – 7,12 m, framom Ese Brume (7,02 m)
• EM 2022 i München: Sølvmedalje – 7,03 m, bakom Ivana Vuleta (7,06 m)
• EM 2024 i Roma: Gullmedalje – 7,22 m, framom Larissa Iapichino (6,94 m)
• OL 2024 i Paris: Sølvmedalje – 6,98 m, bakom Tara Davis-Woodhall (7,10 m)

Kjelder

• Denne artikkelen bygger på «Malaika Mihambo» frå Wikipedia på tysk, den 15. mai 2022.