Mansourieh

Mansourieh (arabisk المنصورية, al-Manṣūriyat, òg skrive el-Mansourieh, Mansouriyeh eller Mansouriyet el-Matn) er ein landsby i Matn distrikt i Libanonfjella guvernement i Libanon.

Mansourieh
المنصورية
by
Land	Libanon
Guvernement	Libanonfjella guvernement
Distrikt	Matn distrikt
Høgd	200−350 moh.
Koordinatar	33°51′29″N 35°34′7″E
Areal	2,83 km²
Folketal	17 000
Folketettleik	6 007 / km²
Tidssone	EET (UTC+2)
•  Sommartid	EEST (UTC+3)
Retningsnummer	+961
Mansourieh 33.858055555556°N 35.568611111111°E / 33.858055555556; 35.568611111111
Kart som viser Mansourieh. Kart som viser Mansourieh.
Wikimedia Commons: Mansourieh

Han ligg kring 10 km aust for Beirut, på ein åstop over hovudstaden.

Etymologi

Namnet kjem frå det arabiske منصور, Manṣūr, som tyder «sigrande», og truleg syner til eit slag mellom krossfararar og arabarar, som arabarane vann.

Geografi

Jisr es-Sid i Mansourieh

Landsbyen ligg på toppen av ein rygg, og grensar i sør og sørvest til ei elv, Beirutelva og i nord til Mar Roukouz-ravinen (St. Roches). I aust glir Mansourieh saman med Ain Saadeh og Monte Verde, og heller nedover i vest til Mkalles og Sin el-Fil. På andre sida av elva i sørvest ligg Hazmieh, ein del av Baabda distrikt. Daychounieh ligg på søraustsida, mot Baabda og Louaize.^[1]

Mansourieh ligg 16 km frå hovudstaden Beirut, 16 km frå Baabda og 12 km frå Jdeideh.

Fram til tidleg i 1990-åra var Mansourieh hovudsakleg eit landleg område. Slettene ved breidda av Beirutelva vart nytta til dyrking av sitrus. Olivenlundar var tradisjonelt i dei tørrare områda. Furuskogar dekkj søraustsida. Vinrankar og fikentre utgjer resten av landskapet.

Dei siste åra har kraftig urbanisering ført til at mange av dei grøne områda er erstatta av bustad- og kommersielle bygg.

Mansourieh ligg langs hovudvegen frå Beirut til Sin el-Fil og Mkalles.

Demografi

I 2009 hadde Mansourieh kring 17 000 innbyggjarar.^[2]