Melanie Chisholm

Melanie Jayne Chisholm (fødd 12. januar 1974), betre kjent som Melanie C eller berre Mel C, er ein engelsk songar, låtskrivar, skodespelar, dansar, forretningskvinne, TV-personlegdom og treningsmodell. Ho er ein av dei fem medlemmane i bandet Spice Girls, der ho hadde kallenamnet «Sporty Spice».

Melanie Chisholm
Melanie C opptrer på «Night of the Proms 2017» i Mannheim i Tyskland.
Fødd	12. januar 1974 (51 år)
Fødestad	Whiston i Merseyside
Fødenamn	Melanie Jayne Chisholm
Alias	Melanie C Mel C Sporty Spice
Opphav	Storbritannia
Aktiv	1994 til i dag
Sjanger	Pop, dansepop, poprock
Tilknytte artistar	Spice Girls, Bryan Adams
Plateselskap	Virgin Records Red Girl Records
Verka som	songar, låtskrivar, skodespelar, dansar, forretningskvinne, TV-personlegdom, treningsmodell

Med Spice Girls har Chisholm selt over 100 millionar plater i heile verda.^[1] Som soloartist har ho selt over 20 millionar plater.^[2][3][4] Den første songen ho gav ut var ein duett med Bryan Adams, «When You're Gone». I 1999 gav ho ut det første studioalbumet sitt, Northern Star, som har vorte selt i 4 millionar eksemplar. Chisholm har gjeve ut fem andre album og har vorte nominert til både Brit Awards og musikkprisen ECHO. Ho er i dag den kvinnelege artisten med nest flest førsteplass-singlar i Storbritannia.

Personleg liv

Chisholm har vore open om kampen sin med klinisk depresjon^[5] og spiseforstyrringar, som ho har opplevd fleire gonger i løpet av livet sitt.^[6] Den yngre halvbroren hennar, Paul O'Neill, er ein racerførar.

Chisholm var i eit forhold med eigedomsutviklaren Thomas Starr. Chisholm fødte ei dotter, Scarlett, den 22. februar 2009 på Portland Hospital i London.^[7]

Chisholm er òg ein tilhengar av Liverpool FC. Ho har 12 tatoveringar.^[8]

Diskografi

• Northern Star (1999)
• Reason (2003)
• Beautiful Intentions (2005)
• This Time (2007)
• The Sea (2011)
• Stages (2012)
• Version of Me (2016)
• Melanie C (2020)

Sjå òg

• Spice Girls