Merr

Ei merr (norrønt merr)^[1] eller hoppe (knytt til verbet ‘å hoppa’)^[2] er eit hodyr i hestefamilien. Ordet blir brukt for hest, esel, muldyr og mulesel. Blir merra brukt i avl, blir ho kalla avlsmerr, og ei yngre merr blir kalla ei «fylje».^[3]

Finlandshest-merr.

Avlsmerr og føl.

Lynne

Merrar blir rekna for å vere lettare å handtere enn hingstar, men merrane har også ein tendens til å kunne vere strie og uviljuge, spesielt når dei nærmar seg brunst.

Bruk

Merrar blir brukt i all hestesport, sjølv om det er somme som føretrekkjer hingstar framfor merrar. Beduinane føretrekte merrar under sine tokt, fordi hingstane ville vrinske til hestane i motstandarane sin leir, medan merrane heldt stilt.

Merrar er også brukt til mjølkeproduksjon, spesielt blant nomadar og tidlegare nomadefolk i Sentral-Asia. Gjæra merramjølk, kjent som kumis, er nasjonaldrikken i Kirgisistan. Merramjølk blir også produsert i Noreg.