Mikkel Niva

Mikkel Bjørnebo Jensen Niva (fødd 1. oktober 1988) er ein norsk improvisatør, manusforfattar og skodespelar.^[1] Han kjem frå Elverum og vaks opp i Sarpsborg.^[2]

Mikkel Niva
Fødd	1. oktober 1988 (36 år)
Fødestad	Elverum kommune
Fødenamn	Mikkel Bjørnebo Jensen Niva
Verka som	skodespelar, manusforfattar, programleiar, radioprogramleiar, komikar, faglitterær forfattar

Bakgrunn og virke

Niva var åtte år gammal då han debuterte på teaterscena. Debutrolla hans var rolla som smånisse i Putti, Plutti Pott, men han hadde større ambisjonar.^[3]

Niva er medlem i ensemblet ved Det Andre Teateret, og medverkar som «Kjendis-Niva» i spelpodkasten Samspill.^[4] Niva har òg vore med i TV-program som Alt er lov, Brille, Broshow og Torsdag kveld fra Nydalen.^[5] I tillegg hadde han ein liten opptreden i programma Adventslekene (i rolla som drittsekk) og Berrum & Beyer.^[6][7]

I 2018 sende NRK dokumentar-serien Uten Pappa, som dreia seg om Nivas lengsle etter ein farsfigur.^[8]

Niva er òg med i humor-podcasten Friminutt saman med Herman Flesvig.^[9]

Niva var programleiar i Julemorgen på NRK i 2016 og leia Sommeråpent i 2017 frå Gran, Flå, Finse, Flåm og Voss saman med Haddy Njie.^[10][11] Det same året leia han òg TV-aksjonen 2017^[12] og MGPjr 2017.^[13] I 2019 leia han Melodi Grand Prix Junior, Sommeråpent, TV-aksjonen og Kvelden før kvelden.^[14]