Mississippielva

Mississippi er namnet på ei elv i USA, og har gjeve namn til delstaten Mississippi. Elva er den andre største i landet, etter Missourielva. Dei to elvane utgjer saman det største elvesystemet i Nord-Amerika. Namnet Mississippi kjem frå det gamle ojibweordet misi-ziibi, som tyder 'stor elv'.

For delstaten, sjå Mississippi.

Mississippielva
elv
Land	USA
Mississippielva 47.2397°N 95.2075°W / 47.2397; -95.2075
Wikimedia Commons: Mississippi River

Satellittbilde av Mississippideltaet.

Geografi

Mississippi har utspring i Itascasjøen i Minnesota, 450 moh., og renn ut i Mexicobukta rundt 16 mil nedanfor New Orleans. Lengda er blitt målt med ulike resultat, men det amerikanske miljøverndepartementet oppgjev 2 320 miles (om lag 3 730 km).

Elva renn gjennom, eller grensar til, ti amerikanske delstatar: Minnesota, Wisconsin, Iowa, Illinois, Missouri, Kentucky, Arkansas, Tennessee, Mississippi og Louisiana.

Nær Saint Louis i Illinois møter ho Illinois- og Missourielvane. Ohioelva kjem til ved Cairo i Illinois og Arkansaselva i Arkansas. Atchafalayaelva i Louisiana skil seg derimot ut frå Mississippi.

Økologi

Elva og omlandet er heim til mange ulike dyreartar. 260 fiskeartar, 25 % av alle som finst i Nord-Amerika, høyrer heime her, det same gjer nesten 100 ulike muslingtypar. 326 trekkfuglar, 60 % av alle fugleartane, bruker elva som stasjon under trekket sitt.