Mister Pleasant

«Mister Pleasant» er ein song av The Kinks frå 1967, skriven av Ray Davies. Han vart gjeven ut som singel i USA og Europa utanom Storbritannia. Seks månader seinare kom han ut som B-sida til singelen «Autumn Almanac» i heimlandet.

«Mister Pleasant» Singel av The Kinks
B-side	«This is Where I Belong» (Europa) «Harry Rag» (USA)
Utgjeve	21. april 1967
Innspelt	Februar og mars 1967 Pye Studios (No. 2), London
Sjanger	Rock
Lengd	3:00
Selskap	Pye 7N 17314 (Europa)[1] Reprise 0587 (US)[2]
Låtskrivar(ar)	Ray Davies
Produsent	Shel Talmy
The Kinks-kronologi
«Dead End Street» (1967)	«Mister Pleasant»	«Waterloo Sunset» (1967)

Songen har ein tekst i same gate som den tidlegare songen «A Well Respected Man», men med ein enno meir engelsk varietéstil og trad-jazz-liknande akkompagnement. På grunn av dette gjorde ikkje singelen det særleg bra i USA, der han berre nådde 80. plass. I Europa gjorde han det langt betre, særleg i Nederland (andreplass) og Belgia (tredjeplass).

B-sider

Medan den amerikanske B-sida «Harry Rag» kom ut på det komande albumet Something Else by The Kinks kom ikkje den europeiske B-sida «This is Where I Belong» ut verken i Storbritannia eller USA. Songen vart spelt inn under innspelinga av Face to Face.