Monte Yoho

Bryon Lamont «Monte» Yoho (fødd 6. desember 1952) er ein amerikansk southern rock- og countrymusikar. Han er mest kjend som trommeslagar i gruppene Outlaws og Blackhawk.

Monte Yoho
Yoho speler trommer i bakgrunnen på biletet. I framgrunnen er Hughie Thomasson.
Fødd	6. desember 1952 (72 år)
Fødestad	Lakeland i Florida
Opphav	USA
Aktiv	Sidan 1967
Sjanger	country, southern rock
Instrument	Trommer
Tilknytte artistar	The Outlaws, The Henry Paul Band, BlackHawk
Verka som	Trommeslagar, låtskrivar

Yoho gjekk på skule i lag med Hughie Thomasson og dei to vart nære vener.^[1] Yoho spelte som studiomusikar seint i 1960-åra, mellom anna for The Bellamy Brothers.^[1][2]

I 1969 møtte Yoho Billy Jones medan han haika heim frå Atlanta Pop Festival. Under køyreturen avgjorde dei å skipe eit band i lag. Resultatet vart The Dave Graham Group, med Jones og Dave Graham på gitar, Roy Holly på bass og Yoho på trommer. Kvartetten samarbeidde ofte med det Thomasson-leia bandet The Outlaws.

Outlaws

Etter fleire besetningsendringar og eit brot, valde Thomasson å skipe Outlaws på ny i 1972.^[3][4] Thomasson vart solovokalist og ein av tre gitaristar. Den opphavlege trommeslagaren var Billy Jones, men Thomasson var imponert over korleis Allman Brothers Band brukte to sologitaristar, og overtydde Jones om å spele gitar i staden. Yoho vart dermed trommisen i bandet.^[3]

Diskografi

Studioalbum

Med The Outlaws

• Outlaws (1975)
• Lady in Waiting (1976)
• Hurry Sundown (1977)
• Playin' to Win (1978)
• Bring It Back Alive (1978)
• In the Eye of the Storm (1979)
• It's About Pride (2012)

Med The Henry Paul Band

• Grey Ghost (1979)
• Feel the Heat (1980)
• Anytime (1981)

Med BlackHawk

• For the Sake of the Song (2009)