Outlaws av Outlaws

Outlaws er debutalbumet til den amerikanske southern rock-gruppa Outlaws, gjeve ut i 1975. Albumet inneheld rockeklassikaren «Green Grass & High Tides», som av mange vert rekna blant dei største gitarsongane, i tillegg til hitsingelen «There Goes Another Love Song».^[1]

Outlaws Studioalbum av Outlaws
Utgjeve	Juli 1975
Innspelt	Mars 1975
Studio	Elektra Sound Recorders i Los Angeles
Sjanger	Southern rock, countryrock
Lengd	41:15
Selskap	Arista
Produsent	Paul A. Rothchild
Outlaws-kronologi
	Outlaws	Lady in Waiting (1976)
Singlar frå Outlaws
«There Goes Another Love Song» Utgjeve: 1975

Meldingar
Karakter
Kjelde	Karakter
Allmusic	[1]
Christgau's Record Guide	C–[2]

Musikken deira på albumet var inspirert av southern rock-gruppene The Allman Brothers og Lynyrd Skynyrd, i tillegg til folkrock- og countryrockband som The Byrds, Poco, Eagles og New Riders of the Purple Sage. Dei utvikla ut frå dette ein unik, sterkt drivande countryrockstil, med den kjappe, countryaktige gitarspelinga til Hughie Thomasson, i lag med harmonivokal i tre og fire delar. Dei nytta òg element av bluegrass.

Bandet hadde tre forskjellige frontmenn: Thomasson, Henry Paul og Billy Jones, som alle skreiv songar og delte solovokal. Songane Paul skreiv og song på, «Song in the Breeze», «Stay with Me» og «Knoxville Girl», gav albumet ein smak av country, medan Jones slo seg saman med Thomasson for å skape ein hard southern rock-gitarstil som fokuserte på duellerande gitarlinjer.

Med ei blanding av southern rock, countryrock og hardrock fekk albumet god kritikk då det kom ut og bandet vart eit populært konsertband. Det nådde 13. plassen på den amerikanske Billboard 200-lista.

«Green Grass and High Tides»

I mange år trudde ein at «Green Grass and High Tides» handla om marihuana, men i følgje låtskrivaren Hughie Thomasson var ikkje det tilfelle. Han sa det handla om daude rockestjerner som Jimi Hendrix, Janis Joplin, Jim Morrison, Duane Allman og andre som kom attende for å halde ein konsert berre for hand. Songtittelen er basert på samleplata til Rolling Stones frå 1966, Big Hits (High Tide and Green Grass).

Ein versjon av «Green Grass & High Tides» er spelbar i videospelet Rock Band.

Innhald

Side ein

Nr.	Tittel	Låtskrivar(ar)	Lengd
1.	«There Goes Another Love Song»	Hughie Thomasson, Monte Yoho	3:04
2.	«Song for You»	Thomasson	3:34
3.	«Song in the Breeze»	Henry Paul	3:07
4.	«It Follows from Your Heart»	Billy Jones	5:22
5.	«Cry No More»	Jones	4:21

Side to

Nr.	Tittel	Låtskrivar(ar)	Lengd
6.	«Waterhole» (instrumental)	Outlaws	2:06
7.	«Stay With Me»	Paul	3:32
8.	«Keep Prayin'»	Frank O'Keefe	2:46
9.	«Knoxville Girl»	Paul	3:32
10.	«Green Grass & High Tides»	Thomasson	9:46
Total lengd			41:15

Medverkande

Outlaws

• Hughie Thomasson – sologitar, vokal
• Billy Jones – sologitar, vokal
• Monte Yoho – trommer
• Frank O'Keefe – bassgitar
• Henry Paul – elektrisk og akustisk gitar, vokal

Andre

• J.D. Souther – harmonisong på «It Follows From Your Heart»

Salslister

Liste (1975)	Plassering
Billboard Top LPs & Tapes	13

Singlar

År	Singel	Liste	Plassering
1975	«There Goes Another Love Song»	Billboard Hot 100	34