Mrs. Robinson

«Mrs. Robinson» er ein song skriven av Paul Simon og først framført av Simon & Garfunkel. Han kom ut på singel i 1968 og gjekk til topps i USA, den andre førsteplassen deira etter «The Sounds of Silence». Ei tidleg utgåve av songen finst i filmen The Graduate frå 1967 og det påfølgjande filmmusikkalbumet, medan heile songen vart gjeven ut på albumet Bookends (1968).^[1] Songen gav dei Grammy-pris for «Årets singel» i 1969. Studiotrommeslagaren Hal Blaine spelte på denne og reknar det som ein av favorittsongane sine.^[2]

Mrs. Robinson Singel av Simon & Garfunkel frå albumet Bookends
B-side	«Old Friends»/«Bookends»
Språk	engelsk
Utgjeve	5. april 1968
Innspelt	2. februar 1968
Sjanger	Folkrock
Lengd	4:02
Selskap	Columbia
Komponist	Paul Simon
Tekstforfattar	Paul Simon
Låtskrivar(ar)	Paul Simon
Produsent	Paul Simon Art Garfunkel Roy Halee
Simon & Garfunkel-kronologi
«Scarborough Fair/Canticle» (1967)	Mrs. Robinson	«The Boxer» (1969)

Bakgrunn

I filmen The Graduate har studenten Benjamin Braddock eit forhold til ei eldre, gift kvinne, Mrs. Robinson. Songen dukkar opp fleire gonger i filmen, men er forskjellig frå den kjende hitversjonen, og fleire gonger høyrer ein berre refrenget. Det var først seinare at Paul Simon og Art Garfunkel spelte inn songen på ny med meir tekst.

I følgje ein artikkel i Variety av Peter Bart i 2005, hadde Nichols vorte besett av musikken til Simon and Garfunkel då han filma filmen. Larry Turman, som var produsent for filmen, gjorde ein avtale med Simon om at han skulle skrive tre nye songar for filmen. Då dei var nesten ferdig å redigere filmen hadde Simon berre skrive ein ny song. Nichols bad han om fleire, men Simon, som stadig var på turne, svarte at han ikkje hadde tid. Han spelte då eit par tonar frå ein ny song han arbeidde på; «Han er ikkje for filmen...det er ein song om tidlegare tider, om Mrs. Roosevelt og Joe DiMaggio og slikt.» Nichols gav Simon råd om at «Han er no om Mrs. Robinson, ikkje Mrs. Roosevelt.»^[3]

Andre versjonar

Andre artistar som har spelt songen er mellom andre Frank Sinatra, Andrew Jackson Jihad, The Nits, James Taylor Quartet, Billy Paul, Kik Tracee, The Lemonheads, Bon Jovi, Charlie Peacock, Casey James, og Hank Marvin.

Medverkande

• Paul Simon – akustisk gitar, vokal
• Art Garfunkel – vokal
• Hal Blaine – trommer,^[4] congatrommer^[5]
• Larry Knechtel - bass^[5]

Salslister

Vekeslister Liste (1968) Plassering Australia (Kent Music Report)[6] 8 Belgia (Ultratop 50 Flandern)[7] 8 Canada Top Singles (RPM)[8] 1 Tyskland (Media Control AG)[9] 39 Nederland (Nederlandsk Topp 40)[10] 8 Nederland (Mega Single Top 100)[11] 5 New Zealand (Listener)[12] 9 Noreg (VG-lista)[13] 8 Sveits (Schweizer Hitparade)[14] 6 UK Singles (Official Charts Company)[15] 4 US Billboard Hot 100[16] 1 US Billboard Easy Listening[17] 4 US Cash Box[18] 1

Årslister Liste (1968) Plassering UK Singles (Official Charts Company) 63 US Billboard Hot 100[19] 9 US Cash Box[20] 5

Salstrofé

Region	Salstrofé	Salstal
Italia (FIMI)[21]	Gull	25 000*
USA (RIAA)[22]	Gull	1 000 000^
^salstala er basert på sertifiseringa aleine xuspesifserte tal er baserte på sertifiseringa aleine