Out of Time av R.E.M.

Out of Time er eit musikkalbum frå 1991 utgjeve av den amerikanske musikkgruppa R.E.M..

Out of Time Studioalbum av R.E.M.
Språk	engelsk
Utgjeve	Mars 1991
Innspelt	September–oktober 1990
Sjanger	Alternativ rock
Lengd	48:25
Selskap	Warner Bros. Records
Produsent	Scott Litt og R.E.M.
R.E.M.-kronologi
Green (1988)	Out of Time	Automatic for the People (1992)

Albumet kombinerer element av pop, folkemusikk og klassisk musikk, som på det førre albumet, Green, men i tillegg innførte R.E.M. og element frå country, som dei heldt fram med på det neste albumet Automatic for the People i 1992. Albumet inneheld fleire R.E.M.-klassikarar som «Losing My Religion», «Near Wild Heaven» og «Country Feedback»^[1]

Singelen «Losing My Religion» vart gjeven ut før albumet og vart den største hitten til bandet i USA og var med på å slå bandet igjennom verda over. Albumet gjekk til førsteplass på både den amerikanske og den britiske albumlista. På VG-lista nådde albumet 4. plass og låg på lista i totalt 34 veker i 1991, 2000 og 2001.^[2] Albumet vann tre Grammy Awards i 1992, ein for «beste alternative musikkalbum» og to for den første singelen «Losing My Religion».

I 1998 stemde lesarane av musikkmagasinet Q Out of Time fram som det 38. beste albumet gjennom tidene, medan det på ei ny kåring i 2006 hamna på 37. plass. I 2006 vart albumet valt ut av TIME Magazine som eit av dei 100 beste albuma nokon gong.^[3]

Innhald

Alle tekstane og melodiane er ved Bill Berry, Peter Buck, Mike Mills og Michael Stipe.

1. «Radio Song» - 4:15
2. «Losing My Religion» - 4:28
3. «Low» - 4:56
4. «Near Wild Heaven» - 3:19
5. «Endgame» - 3:50
6. «Shiny Happy People» - 3:46
7. «Belong» - 4:06
8. «Half a World Away» - 3:28
9. «Texarkana» - 3:40
10. «Country Feedback» - 4:09
11. «Me in Honey» - 4:06