Myken

Myken er ei øygruppe og eit fiskevær i Rødøy kommune i Nordland. Øygruppa ligg ytst på kysten, om lag 32 km frå næraste fastland, og har per juni 2010 kring 20 fastbuande.^[1] Myken femner om lag 40 små øyar, holmar og skjer. Dei største øyane er Sjurøya, Sandøya, Jutøya, Finnøya og Grytøya. Fiskeværet ligg på Sjurøya, medan Myken fyrstasjon (oppretta i 1918) ligg på Jutøya.

Myken
stad
Land	Noreg
Fylke	Nordland
Kommune	Rødøy
Postnummer	8181 MYKEN
Preposisjon	På (om øygruppa) Myken
Ferdselsårer	Snøggbåtrute (Torghatten Nord)
Myken 66.75°N 12.48333333°E / 66.75; 12.48333333

Myken skole hadde fire elevar skuleåret 2009/2010, men kan verte nedlagt.^[2]

Myken har snøggbåtsamband til Tonnes i Lurøy og Vågaholmen.

I samarbeid med Riksantikvaren har stiftinga Gamle Myken sett i gang restaurering av nokre av bygningane på Myken.

Namnet Myken

Namnet Myken kjem truleg av gamalnorsk mykr - møkk, og kan ha med fugleskit å gjere.^[3]