Nevatim

Nevatim (hebraisk skrift נְבָטִים) er ein moshav sør i Israel. Han ligg nord i Negevørkenen kring 8 km søraust for Beersheba og høyrer til Bnei Shimon regionale kommune. I 2006 hadde han 629 innbyggjarar.

Nevatim
נְבָטִים
moshav
Namneopphav: Spirer
Land	Israel
Region	Negev
Distrikt	Det sørlege distriktet
Kommune	Bnei Shimon
Koordinatar	31°13′25.32″N 34°52′58.08″E
Folketal	996 (2019)[1]
Grunnlagd	1946
•  Grunnlagd av	Ungarske immigrantar
Nevatim 31.223611111111°N 34.882777777778°E / 31.223611111111; 34.882777777778
Kart som viser Nevatim. Kart som viser Nevatim.
Wikimedia Commons: Nevatim

Dei næraste naboane er beduinbyane Tel as-Sabi i nord og Shaqib al-Salam i sør. Lengre unna i nordaust ligg Nevatim flybase, kalla opp etter moshaven.

Historie

Nevatim vart grunnlagd i 1946 av immigrantar frå Ungarn som ein av Dei 11 punkta i Negev, og namnet er henta frå Tanakh. Under den arabisk-israelske krigen i 1948 vart området her, inkludert byen Beersheba, erobra av den egyptiske hæren.

Egyptarane kringsette Nevatim, i lag med nabolandsbyen Beit Eshel (som vart øydelagd og sidan fråflytta). Nevatim klarte å halde ut gjennom kringsetjinga sidan han fekk forsyningar frå lufta, og fordi egyptarane konsentrerte seg meir om det som skjedde lenger nord.

Landsbyen vart flytta etter krigen og Nevatim vart grunnlagd på ny ein annan stad i 1954. Dei nye nybyggjarane var Cochini-jødar som emigrerte frå Kochi i India.