Niha Chouf

Niha (arabisk نيحا) er ein by i Chouf i Libanonfjella i Libanon. Byen ligg 38 km frå Beirut og har eit areal på kring 27.5 kvadratkilometer. Det bur kring 3 500 innbyggjarar i byen. Han er kjend for olivenlundane sine og druer, epler, plummer og mandlar. Turistattraksjonane i byen er St. Josef-kyrkja, El Qa'ah-kjelda, grava til profeten Job og Nihaborga. Den kjende libanesiske songaren Wadih El Safi var fødd i Niha.

Niha Chouf
by
Niha
Land	Libanon
Guvernement	Libanonfjella guvernement
Koordinatar	33°35′41″N 35°37′49″E
Areal	27,5 km²
Folketal	3 500
Niha Chouf 33.59472222°N 35.63027778°E / 33.59472222; 35.63027778
Kart som viser Niha Chouf. Kart som viser Niha Chouf.
Wikimedia Commons: Niha, Chouf

Etymologi

Namnet Niha vert nytta om fire libanesiske byar: Niha i Zahlé; Niha i Batroun; Niha i Tyr og Niha i Chouf. Ordet neeha er assyrisk og syner til at plassen er fredfull.

Historie

I følgje ei drusisk segn skal gravstaden til profeten Job ligge på ein ås oppom Niha. Det finst mange grotter, både naturlege og menneskeskapte, kring Niha. Ei av desse er ei festningsgrotte som vart skoren ut i klippene under krosstoga mellom 1165 og 1260. Denne vert kalla Nihaborga eller Shakif Tiro. I følgje ei populær soge, skal prinsen Fakhreddine El Ma'ani II ha gøymd seg der då han flykta frå osmanarane i 1635. Men meir nøyaktige historiske versjonar knyter denne hendinga til faren til prinsen, Korkomaz i 1584.