Nord-Mitrovica

Nord-Mitrovica (serbisk Ceвepнa Митровица, Severna Mitrovica; albansk Mitrovicë Veriore eller Mitrovica e Veriut) er ein by og ein kommune i distriktet Mitrovica i Kosovo. I folketeljinga i 2024 blei det registrert 2 326 innbyggjarar, men offisielle estimat legg til grunn eit samla folketal for kommunen på 7 920.^[1]

Nord-Mitrovica
Ceвepнa Митровица • Severna Mitrovica • Mitrovicë Veriore • Mitrovicë e Veriut
by
Utsyn over Nord-Mitrovica
Våpenskjold
Land	Kosovo
Distrikt	Mitrovica
Koordinatar	42°53′40″N 20°51′56″E
Folketal	7 920  (2024[1])
Borgarmeister	Erden Atiq
Tidssone	CET (UTC+1)
Postnummer	40000
Retningsnummer	383 (0) 28
Bilnummer	02
Nord-Mitrovica 42.8944°N 20.8661°E / 42.8944; 20.8661
Kart som viser Nord-Mitrovica. Kart som viser Nord-Mitrovica.
Wikimedia Commons: North Kosovska Mitrovica
Nettstad: kk.rks-gov.net/mitroviceeveriut

Med utgangspunkt i lov nr. 03/L-041 av 02.06.2008^[2] vart den nordlege delen av byen Mitrovica i 2013 skild ut som ein eigen kommune, stadfesta av Ministeriet for lokal administrasjon 16. mai 2014. Den nye kommunen omfatta òg dei to busetnadene Suhodoll i Epërm (serbisk Горњи Суви До, Gornji Suvi Do) og Suhodoll i Poshtëm (serbisk Доњи Суви До, Donji Suvi Do).^[3]

Nord-Mitrovica vart då ein av ti kommunar i Kosovo med serbisk fleirtal.^[4]

Busetnader

Folketeljinga i 2011 vart boikotta i kommunen,^[5] men etter det offisielle estimatet reknar ein at kommunen hadde 12 326 innbyggjarar i 2011.^[6] For 2024 er utarbeidd estimat på kommunenivå for kommunen Nord-Mitrovica, og det vil òg bli utarbeidd estimat for folketala i busetnadene.

	Folketal 2011 (Offisielt estimat)[7]	Folketal 2024 (Folketeljing)[5]
Nord-Mitrovica	12 326	2 089
Suhodoll i Epërm	224	234
Suhodoll i Poshtëm	789	3