Oberhausen

Oberhausen er ein by i Tyskland i delstaten Nordrhein-Westfalen med om lag 215 000 innbyggjarar. Byen ligg i Ruhrområdet ved elva Emscher, 35 km sør for Düsseldorf.

Oberhausen
by
Schloss Oberhausen
Våpenskjold
Land	Tyskland
Stat	Nordrhein-Westfalen
Region	Düsseldorf
Landkreis	Kreisfri by
Høgd	25–78 m
Areal	77,09 km²
Folketal	211 099 (31. desember 2023)
Grunnlagd	1862
Postnummer	46001–46149
Retningsnummer	0208
Bilnummer	OB
Oberhausen 51.4699°N 6.8514°E / 51.4699; 6.8514
Wikimedia Commons: Oberhausen

Byen er eit resultat av økonomisk vekst på 1800-talet. Her var det landlege område fram til om lag 1860, då kolgruvene opna og produksjon av stål var sett i gang på stor skala. Dette gjorde byen om til det store industrikomplekset ein ser i dag. Fleire landsbyar vart slått i saman i 1862 til den nye byen. I 1929 vart dei nærliggande byane Sterkrade og Osterfeld òg innlemma.

Oberhausen er ein typisk by for Ruhrområdet som har vakse opp rundt industriar og fabrikkar.

I dag prøver byen å fornye seg. I 1990-åra vart det opna eit stort kjøpesenter, CentrO, på området til ein gamal stålfabrikk. Gasometer er ein utstillingshall som er bygd om frå ein tidlegare fabrikkhall. Byen har òg ein årleg kortfilmfestival.