Odd Holøs

Odd Steinar Holøs (8. april 1922–31. august 2001) var ein norsk journalist, byråkrat og politikar frå Rakkestad. Han representerte Østfold og Kristeleg Folkeparti på Stortinget i 1972/73-sesjonen, og perioden 1981-89.

Odd Holøs
Fødd	8. april 1922 Rakkestad kommune
Død	31. august 2001 (79 år)
Statsborgar av	Noreg
Parti	Kristeleg Folkeparti
Yrke	politikar, journalist, embetsmann
Alle verv	statssekretær (1963–1963) stortingsrepresentant (1981–1985) vararepresentant til Stortinget (1958–1961) vararepresentant til Stortinget (1961–1965) vararepresentant til Stortinget (1965–1969) vararepresentant til Stortinget (1969–1973) vararepresentant til Stortinget (1973–1977) vararepresentant til Stortinget (1977–1981) stortingsrepresentant (1985–1989) stortingsrepresentant (fast møtande vararepresentant, 1972–1973) stortingsrepresentant (fast møtande vararepresentant, 1973–1973)

Holøs gjekk ut frå handelsgymnas i Fredrikstad i 1944. Han arbeidde som formannskapssekretær i Rakkestad kommune 1945-46, og var samstundes redaktør i Østfold Bygdeblad 1945-47. Frå 1946 til -50 var han journalist i Vårt Land, deretter redaksjonssekretær i Dagsavisa 1950-63. Ved sidan av var han frå 1957 på ny redaktør i Østfold. I 1964 slutta han som bladfyk då han fekk stillinga som sosialsjef i Rakkestad kommune, ei stilling han beheldt til han i 1981 fekk fast plass på Stortinget.

Holøs var varaordførar i Rakkestad frå 1956 til 1967. Tidleg hausten 1963 var han i fire veker statssekretær i Sosialdepartementet i den svært kortliva Lyng-regjeringa. Frå 1957 til 1958 var han formann i KrFs ungdomssorganisasjon.

18.oktober 1972 vart østfoldrepresentanten, og partifellen til Holøs, Lars Korvald, utnemnd til statsminister i Noreg. Som fyrste vararepresentant for partiet tok Holøs sete på Stortinget resten av sesjonen, til dess Korvald på ny hamna på Tinget etter stortingsvalet 1973. Holøs var 1972/73 medlem i Justiskomitéen og 1981–89 medlem i Sosialkomitéen, den siste fireårsbolken som nestleder i komitéen. Elles var han visesekretær i Odelstinget 1981-85, samt 1985-89 medlem av den mindre viktige Valkomitéen.

Kjelder

• «Odd Holøs». Stortinget.no.