On Every Street

On Every Street er det sjette og siste studioalbumet til det britiske rockebandet Dire Straits, gjeve ut den 10. september 1991 av Vertigo Records internasjonalt og av Warner Bros. Records i USA. Det var oppfølgjaren til det særs suksessrike albumet Brothers in Arms og On Every Street nådde toppen av den britiske albumlista og selde til platinaplate i USA.

On Every Street Studioalbum av Dire Straits
Språk	engelsk
Utgjeve	10. september 1991
Innspelt	AIR Studios, London, november 1990 – mai 1991
Sjanger	Rootsrock
Lengd	59:39
Selskap	Vertigo Warner Bros. (USA)
Produsent	Mark Knopfler Dire Straits
Dire Straits-kronologi
Money for Nothing (1988)	On Every Street	On the Night (1993)

Meldingar
Karakter
Kjelde	Karakter
AllMusic	[1]
Rolling Stone	[2]

Historie

On Every Street vart gjeven ut 10. september 1991 - over seks år etter det førre albumet deira - Brothers in Arms, og var det sjette og siste studioalbumet til Dire Straits. Det fekk middels kritikk og vart ikkje så populært eller suksessrikt som føregangaren, men selde likevel meir enn 10 millionar eksemplar verda over (seks millionar i Europa og ein million i USA). Det nådde 12. plassen på albumlista i USA og førsteplassen i Storbritannia. Albumet var produsert av Mark Knopfler og Dire Straits.

På denne tida bestod bandet av Knopfler, John Illsley, Alan Clark og Guy Fletcher, og med som studiomusikarar var mellom andre Paul Franklin, Phil Palmer, Danny Cummings og den amerikanske trommeslagaren Jeff Porcaro frå Toto.

Dire Straits marknadsførte albumet med ein langvarig verdsturne som varte til slutten av 1992. Bandet vart oppløyst i 1995 då Mark Knopfler starta ein solokarriere og gav ut debutalbumet sitt Golden Heart i 1996 (om ein ser bort frå tidlegare filmmusikkalbum), og har sidan gjeve ut mange soloalbum.

Albumet vart mastra på ny og gjeven ut i lag med resten av Dire Straits-katalogen i 1996 i det meste av verda, utanom i USA, der albumet først kom ut på ny i september 2000.

Innhald

Alle songar skrivne av Mark Knopfler.

Nr.	Tittel	Lengd
1.	«Calling Elvis»	6:26
2.	«On Every Street»	5:04
3.	«When It Comes to You»	5:01
4.	«Fade to Black»	3:50
5.	«The Bug»	4:16
6.	«You and Your Friend»	5:59
7.	«Heavy Fuel»	5:10
8.	«Iron Hand»	3:09
9.	«Ticket to Heaven»	4:25
10.	«My Parties»	5:33
11.	«Planet of New Orleans»	7:48
12.	«How Long»	3:49
Total lengd		59:55

Bonusspor på avgrensa versjon

Nr.	Tittel	Lengd
13.	«Millionaire Blues»	4:22
14.	«Kingdom Come»	4:15

Medverkande

Dire Straits

• Mark Knopfler – vokal, gitar
• John Illsley – bass
• Alan Clark – organ, piano, synthesizer
• Guy Fletcher – synthesizer, korvokal

Andre musikarar

• Danny Cummings – perkusjon
• Paul Franklin – pedal steelgitar, akustisk lapsteel (6)
• Vince Gill – gitar, korvokal (5)
• Manu Katché – perkusjon, trommer (1,7,11)
• George Martin – dirigent, strykearrangement (9)
• Phil Palmer – gitar
• Jeff Porcaro – trommer, perkusjon
• Chris White – fløyte, saksofon

Produksjon

• Mark Knopfler og Dire Straits – produsentar
• Chuck Ainlay – lydteknikar
• Bill Schnee – lydteknikar
• Steve Orchard – assisterande lydteknikar
• Jack Joseph Puig – assisterande lydteknikar
• Andy Strange – assisterande lydteknikar
• Neil Dorfsman – miksing
• Bob Clearmountain – miksing (7)
• Jo Motta – prosjektkoordinator
• Paul Williams – fotografi
• Sutton Cooper – design
• Paul Cummins – design

Singlar

Det vart gjeve ut seks singlar frå On Every Street:

1. «Calling Elvis»
2. «Heavy Fuel»
3. «On Every Street»
4. «The Bug»
5. «You and Your Friend» (utgjeve i Frankrike og Tyskland)
6. «Ticket to Heaven» (utgjeve i Nederland)

Lister og salstrofé

On Every Street låg inne på den britiske albumlista i 36 veker.^[3]

Album

Liste (1991)	Plassering
Australian Album Chart	1
Austerrike	1
Frankrike	1
Italia	1
Noreg	1
Sverige	1
Sveitsisk	1
UK Album Chart	1
US Billboard 200	12

Singlar

År	Song	Hot	Alt	Australia	Austerrike	Nederland	Frankrike	Italia	Noreg	Sverige	Sveits	UK
1991	«Calling Elvis»	3	25	8	8	—	7	3	2	6	2	21
1991	«Heavy Fuel»	1	22	26	—	—	32	22	—	—	—	55
1992	«On Every Street»	—	—	—	—	—	23	—	—	—	—	42
1992	«The Bug»	8	—	—	—	—	44	—	—	—	—	67
1992	«You and Your Friend»	—	—	—	—	—	49	—	—	—	—	—
1994	«Ticket to Heaven»	—	—	—	—	43	—	—	—	—	—	—

Salstrofé

Organisasjon	Nivå	Dato
BPI – UK	Sølv	1. oktober 1991
BPI – UK	Gull	1. oktober 1991
BPI – UK	Platina	1. oktober 1991
BPI – UK	2X Platina	1. oktober 1991
RIAA – U.S.	Gull	13. november 1991
RIAA – U.S.	Platina	13. november 1991
SNEP – Frankrike	Diamant	1991
IFPI – Tyskland	Gull	1991
IFPI – Tyskland	Platina	1991