On a Carousel

«On a Carousel» er ein song skriven av Allan Clarke, Graham Nash og Tony Hicks. Han vart gjeven ut av The Hollies på singel i februar 1967, etter at han vart spelt inn månaden før. Nash meinte: «'On a Carousel' var ein av dei beste songane til The Hollies. Det er ein popsong med eit smittande refreng, men flørtar med flotte skifte i rytmen som held melodien uføreseieleg. Og teksten fangar essensen i ungdommeleg kjærleik utan den vanlege måne-og-juni-klisjeen. Me visste det var ein hit frå starten av.» ^[2]

On a Carousel Singel av The Hollies
B-side	«All the World Is Love»
Utgjeve	10. februar 1967
Innspelt	11 & 13. januar 1967 Abbey Road Studios[1]
Sjanger	Pop
Lengd	3:07
Selskap	UK: Parlophone R5562 US: Imperial 66231
Låtskrivar(ar)	Graham Nash Allan Clarke Tony Hicks
Produsent	Ron Richards
The Hollies-kronologi
«Stop Stop Stop» (1966)	On a Carousel	«Carrie Anne» (1967)

Originalinnspeling

«On a Carousel» var den første A-sida til The Hollies der Graham Nash song solovokal, sjølv om det berre var dei første få linjene. «On a Carousel» var den nest siste singelen The Hollies gav ut i USA på Imperial, før dei byta til Epic. Songen vart ein hit i Storbritannia, der han nådde fjerdeplassen, og i Canada ndde han sjuandeplassen på RPM-lista. Det var òg ein moderat hit i USA der han nådde 11. plassen på Billboard-lista.

Salslister

Liste (1967)	Plassering
Australia (Go-Set)[3]	14
Tyskland (Media Control AG)[4]	8
Nederland (Mega Single Top 100)[5]	16
Noreg (VG-lista)[6]	10
UK Singles (Official Charts Company)[7]	4
US Billboard Hot 100[8]	11

Other versions

• Mike Vickers, tidlegare medlem i Manfred Mann, spelte inn songen for debutalbumet hans i 1968, I Wish I Were a Group Again.
• Progressiv rock-gruppa Glass Moon spelte inn songen i 1982 på det andre studioalbumet Growing in the Dark.
• USA-amerikanske Shaw Blades spelte inn ein versjon i 2007 for albumet Influence.