Flugeblomslekta

Flugeblomslekta (Ophrys) er ei slekt i orkidéfamilien (marihandfamilien) Orchidaceae.^[1]

Flugeblomslekta
Flugeblom
Systematikk
Rike:	Planteriket
Klasse:	Einfrøblada
Orden:	Aspargesordenen
Familie:	Orkidéfamilien
Slekt:	Ophrys
Artar i Noreg
flugeblom (O. insectifera)
Vitskapleg namn
Ophrys Linné
Økologi
Utbreiing:	Europa, vestlege Asia, nordlege Afrika

Systematikk

På verdsbasis har flugeblomslekta mange artar, men det er stor usemje om kor mange og om korleis ein skal gruppere dei i artar og underartar.^[2] Ulike klassifiseringar opererer med frå nokre titals til fleire hundre artar, og i tillegg kjem ei stor mengd hybridar.^[3][4] Berre ein art, flugeblom, er representert i Noreg. Han var òg den einaste i Norden, men i 2004 vart ein ny art, biblom, funne i Danmark, der arten ser ut til å ha etablert seg på fleire lokalitetar.^[5] Han er no òg funne i Sverige.

Etymologi

Namnet Ophrys kjem frå det gammalgreske substantivet ófrys (ὀφρύς), som tyder augebryn.

Artar i Noreg

Artsdatabanken opererer med ein art i Noreg:^[6]

• flugeblom (O. insectifera)

Arten er teken med på Norsk raudliste for artar (2021) som sårbar (VU).^[7]

I tillegg er det ein ny art i Sverige og Danmark:

• biblom (O. apifera), i Sverige (ikkje raudlistevurdert)^[8] og Danmark (VU)^[9]

På Dei britiske øyane veks òg:

• O. fuciflora (òg kalla O. holosericea), i England (VU)^[10][11]
• O. sphegodes, i England (LC),^[10][11] i Wales (RE)^[12]