Ophrys fuciflora

Ophrys fuciflora er ei plante i flugeblomslekta Ophrys i orkidéfamilien (marihandfamilien) Orchidaceae. Ho veks ikkje i Noreg.

Ophrys fuciflora
Status i verda: Livskraftig
Systematikk
Rike:	Planteriket
Klasse:	Einfrøblada
Orden:	Aspargesordenen
Familie:	Orkidéfamilien
Slekt:	Ophrys
Art:	O. fuciflora
Vitskapleg namn
Ophrys fuciflora (F.W.Schmidt) Moench
Økologi
Habitat:	kalkrik eng
Utbreiing:	Europa

Arten er av somme kjelder skildra som O. holosericea.^[1][2][3]

Utbreiing

O. fuciflora (engelsk namn late spider orchid) lever på Dei britiske øyane berre heilt søraust i England.^[4] I den britiske raudlista har arten status som sårbar (VU),^[5] til liks med lokalt i England.^[6]

Arten er registrert frå Estland med eit herbariebelegg, men det er uvisst om dette verkeleg skriv seg frå Estland. I så fall er arten rekna som regionalt utdøydd (RE).^[7]

I Benelux er arten (nederlandsk namn hommelorchis, fransk namn ophrys bourdon) ikkje registrert med nylige funn i Nederland. I Belgia finst han truleg heller ikkje i Flandern, men i Vallonia har han nokre få funnstader i Ardennane og [Maas]]-området.^[8][9] Arten er ikkje oppført i den nederlandske raudlista. I Belgia er han heller ikkje i på raudlista i Flandern, men er rekna som sterkt truga (EN, en danger) i Vallonia.^[10][11] I Luxembourg er han rekna som sterkt truga (EN).^[12]

Hybridar

I England er det påvist at Ophrys fuciflora kan danne hybridar med biblom (Ophrys apifera × fuciflora eller Ophrys ×albertiana)^[13] og med Ophrys sphegodes (Ophrys fuciflora × sphegodes eller Ophrys ×arachnitiformis).^[14] Båe er registrerte i Kent.^[4]