Owner of a Lonely Heart

«Owner of a Lonely Heart» er ein song frå det engelske progressiv rock-bandet Yes, utgjeve i 1983 på albuma til bandet 90125. Songen er den største hitten til Yes til dags dato, og i to veker i januar 1984 toppa singelen Billboard Hot 100 i USA.^[2] Songen er skriven av Trevor Rabin, Chris Squire, Jon Anderson og Trevor Horn.

Owner of a Lonely Heart Singel av Yes frå albumet 90125
B-side	Our Song
Språk	engelsk
Utgjeve	5. november 1983
Innspelt	1983
Sjanger	Dance-rock[1]
Lengd	4:29 (album) 3:50 (singel)
Selskap	Atco
Komponist	Chris Squire, Trevor Horn, Trevor Rabin, Jon Anderson
Tekstforfattar	Chris Squire, Trevor Horn, Trevor Rabin, Jon Anderson
Låtskrivar(ar)	Trevor Rabin, Jon Anderson, Chris Squire, Trevor Horn
Produsent	Trevor Horn
Yes-kronologi
«Into the Lens» (1980)	Owner of a Lonely Heart	«Leave It» (1984)

Struktur

Songen startar med eit gitar-riff som kan minne om eit typisk rock eller hardrockriff. Riffet blir spelt to gonger før det blir punktert av tromma, og så kjem resten av instrumenta med, og blir til songen sin hovudtema. Songen følgjer hovudsakleg standard pop-struktur, med vers, refreng og gitarsolo. På slutten av songen løyser melodilinja seg opp, og det blir avslutta med ein seksjon som gjev assosiasjonar til ein jamsession.

I følgje medkomponist Trevor Rabin vart songen opphavleg skrive som ein ballade, men produsent og medkomponist Trevor Horn vart overtalt av Jon Anderson til å få opp tempoet slik at det vart ein rockelåt. Ein demoversjon som underbygger påstanden om ein rolegare versjon finst på Rabin-albumet 90124, der songen har fått eit jazz-liknande preg.

Konsertversjonar

Songen er blitt den åttande mest spelte under Yes-konsertane.^[3] Under konsertane på 1980-talet var fremføringa av songen særs lik innspelinga. Under Anderson Bruford Wakeman Howe sine konsertar i 1989 fremførte Jon Anderson ein akustisk versjon som ein del av solo-settet sitt.

Offisielle konsertopptak av «Owner of a Lonely Heart» finst på:

• 9012Live (konsertfilm)
• An Evening of Yes Music Plus (Anderson Bruford Wakeman Howe – akustisk versjon)
• House of Yes: Live from House of Blues
• Symphonic Live
• Songs from Tsongas (akustisk versjon)
• The Word Is Live
• Union Live
• In the Present – Live from Lyon

Medverkande

• Jon Anderson: vokal
• Trevor Rabin: gitar, vokal
• Chris Squire: bass, vokal
• Tony Kaye: keyboard
• Alan White: trommer, perkusjon
• Trevor Horn: vokal (ukreditert)