Palaeognathae

Palaeognathae er den minste av to overordenar av moderne fuglar. Den andre overordenen er Neognathae. Til saman utgjer dei to kladene den biologiske underklassen Neornithes.

Palaeognathae
Sørbrunkivi Apteryx australis Foto: Malene Thyssen
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Infraklasse:	Palaeognathae
Overorden:	Dinosaurar Dinosauria
Orden:	Saurischia
Infraorden:	Palaeognathae Tetanurae Pycraft, 1900

Palaeognath kjem frå gammalgresk og tyder 'gammal kjeve' med referanse til skjelettanatomien av ganen, som er skildra som meir primitiv og krypdyrliknande enn hos andre fuglar. Det er ingen usemje om at Palaeognathae er dei mest «primitive» eller basale levande fuglane, men det er strid om det nøyaktige tilhøvet mellom dei og andre fuglar. Det er også fleire andre vitskaplege kontroversar om evolusjon.

Overorden Palaeognathae inneheld fire nolevande ordenar av strutsefuglar, fuglar utan flygeevne, samt ein orden av tinamuar med svak flygeevne. I tillegg reknast to ordenar av utdøydde artar som ein del av Palaeognathae, elefantfuglar og moafuglar.

Av dei nolevande artane er det klassifisert mindre enn 50 artar av tinuamuar i ni slekter. Strutsefuglar samlar to strutseartar, to nanduar, tre kasuarar, emu og fem artar kiviar, til saman 13 artar strutseliknande fuglar, alle utan flygeevne.

Evolusjon og kladistikk

Palaeognathae	strutsar, Struthioniformes  Notopalaeognathae  nanduar, Rheiformes  tinamuar, Tinamiformes  moaer, Dinornithiformes†  Novaeratitae  kiviar, Apterygiformes  elefantfuglar, Aepyornithiformes†  Casuariiformes   kasuarar, Casuariidae  emuar, Dromaiidae

Kladogram basert på Mitchell (2014)^[1] med namn på kladar etter Yuri et. al (2013)^[2]