Paul Sabatier

Paul Sabatier (5. november 1854–4. august 1941) var ein fransk kjemikar. Han fekk Nobelprisen i kjemi i 1912 saman med landsmannen Victor Grignard for å ha utvikla ein metode for hydrogenering av organiske sambindingar i samband med metallkatalysatorar. Han oppdaga også Sabatier-prosessen, som er blitt oppkalla etter han.

Paul Sabatier
Fødd	5. november 1854 Carcassonne
Død	14. august 1941 Toulouse
Nasjonalitet	Frankrike
Område	uorganisk kjemi, organisk kjemi, kjemi, katalyse
Yrke	kjemikar, universitetslærar
Institusjonar	Toulouse universitet (1896-1969) Université de Bordeaux
Alma mater	École normale supérieure Lycée Pierre-de-Fermat Toulouse universitet (1896-1969)
Doktorgradsrettleiar	Marcellin Berthelot
Medlem	Royal Society Det franske vitskapsakademiet Kungliga Vetenskapsakademien Académie des sciences, inscriptions et belles-lettres de Toulouse Koninklijke Nederlandse Akademie van Wetenschappen Accademia Nazionale dei Lincei Royal Irish Academy Consistori del Gay Saber National Academy of Sciences Société d'études scientifiques de l'Aude

Nobelprisen i kjemi
1912

Liv

Paul Sabatier var fødd i Carcassonne sør i Frankrike. Etter skulegang opp til vidaregåande i heimbyen førebudde han seg til opptaksprøvane ved dei parisiske elitehøgskulane École Polytechnique og École Normale Supérieure i Toulouse. Sabatier kom inn ved begge, og valde den siste. Han byrja ved École Normale Supérieure i 1874 og gjekk ut i 1877 med beste resultat i klassen.

Etter eit år som fysikklærar i Nîmes blei han assistent for Marcellin Berthelot ved Collège de France i Paris. Her fekk han doktorgraden i 1880. Han underfviste i fysikk ved Universitetet i Bordeaux fram til 1882, då han fekk ei tilsvarande stilling ved Universitetet i Toulouse. Her blei han verande livet ut, frå 1884 som professor i kjemi. Han fortsette å førelesa fram til han døydde i 1941.

Sabatier var gift med Germaine Herail som han fekk fire døtrer med. Kona døydde i 1898 og han gifta seg aldri opp att. Han skal ha vore ein tilbakehalden mann som likte kunst og hagearbeid.

Utmerkingar

I 1928 blei Sabatier vald til utanlandsk representant av Kungliga Vetenskapsakademien.