Penicillin

Penicillin er eit antibiotikum som vert vunne ut frå soppen penicillinmugg (Penicillium chrysogenum). Penicillin drep bakteriar ved å hindre dei i å danne cellevegg. Sidan menneskeceller ikkje har cellevegg, tek dei ikkje skade.

Kjernestrukturen til penicillin

Ei rekkje artar i penselmuggsoppslekta er identifiserte som produsentar av penicillin. I seksjonen Chrysogena, som penicillinmuggen sjølv er ein del av, gjeld det (utanom penicillinmugg) desse artane:^[1]

• Penicillium allii-sativi
• Penicillium dipodomyis
• Penicillium flavigenum
• Penicillium nalgiovense
• Penicillium rubens
• Penicillium tardochrysogenum
• Penicillium vanluykii

I tillegg produserer arten Penicillium griseofulvum penicillin, og kan i lag med P. nalgiovense og penicillinmugg finnast på visse matvarer.^[2]