Pensjonistpartiet

Pensjonistpartiet vart danna i 1985 som ein protest mot at saker som var viktige for pensjonistar og eldre ikkje var dominerande nok i samfunnsdebatten og at det var for få eldre i avgjerande politiske stillingar.

Pensjonistpartiet
Land	Noreg
Partileiar(ar)	Kurt Johnny Hæggernes (2023)
Grunnlagt	1985
Hovudkvarter	Oslo
Donasjonar	56 000 (2019)
Ideologi	enkeltsaksparti
Slagord	«Livsglede, framtid og folkehelse»

Partiet byggjer på eit kristent grunnlag og fokuserer sterkt på å betre livssituasjonen til eldre og andre svake grupper i samfunnet.

Partiet har per mars 2023, 14 fylkeslag og 52 lokallag spreidde omkring i landet.^[1] Pensjonistpartiets Ungdom starta i 2009, med eit lokallag i Vest-Agder.^[2]

Pensjonistpartiet var det første norske politiske partiet som sende politisk reklame på fjernsyn, sjølv om dette er ulovleg i Noreg.^[3]

Representantar frå pensjonistpartiet har aldri blitt valde inn til Stortinget, men dåverande stortingsrepresentant Arne Haukvik melde overgang til Pensjonistpartiet då han ikkje blei renominert for Senterpartiet i 1997.