Pete Ham

Peter William Ham (27. april 1947–24. april 1975) var ein walisisk songar, låtskrivar og gitarist. Han er mest kjend som solovokalist og låtskrivar i rockebandet Badfinger, med hitsongar som «No Matter What», «Day After Day» og «Baby Blue». Han var òg medlåtskrivar av balladen «Without You», som vart ein stor hit for Harry Nilsson og som sidan er blitt spelt inn av mange andre artistar. Ham vann to Ivor Novello-prisar for songen i 1973.

Pete Ham
Fødd	27. april 1947(1947-04-27)
Fødestad	Swansea, Wales
Død	24. april 1975 (27 år)
Dødsstad	Surrey, England
Fødenamn	Peter William Ham
Opphav	Storbritannia
Aktiv	1961–1975
Sjanger	Rock power pop pop
Instrument	Vokal gitar piano
Tilknytte artistar	Badfinger The Iveys
Plateselskap	Apple Warner Bros. Records Rykodisc
Verka som	Songar låtskrivar
Prisar	Ivor Novello-prisen

Ham tok livet av seg i 1975 etter ein depresjon knytt til bandet og problema dei hadde med plateselskapet og manageren deira.

Død

Warner Bros. Records saksøkte manageren til Badfinger, Stan Polley, etter Polley hadde forsvunne med eit forskot og bandet stod utan pengar. Ham trudde at han hadde tapt alt av pengar og hengde seg i garasjen sin berre tre dagar før han fylte 28 år. Han etterlét ei melding til den gravide kona og sonen hennar og sa at han elska dei og skreiv vidare «Eg vil ikkje få lov til å elske og stole på alle. Det er best sånn. PS Stan Polley er ein sjellaus jævel. Eg vil ta han med meg.»^[1]