Pictures of Lily
From Wikipedia, the free encyclopedia
Remove ads
«Pictures of Lily» er ein song av det britiske rockebandet The Who gjeven ut som singel i 1967. Songen nådde fjerdeplassen i Storbritannia, men klarte ikkje å nå Topp 50 i USA.
Songen er skriven av Pete Townshend. Townshend omtalte songen som «power pop» då han skildra songen i eit intervju med NME i mai 1967. Dette var første gongen dette omgrepet vart brukt.[2]
I starten av songen klagar songaren på søvnløyse: Når faren hans gjev han bilete av Lily føler han seg betre og klarer å sovne. Etter kvart får han kjensler for Lily og ber faren om å introdusere han for kvinna. Faren fortel derimot at Lily har vore død sidan 1929. I starten sørgjer songaren over dette før han går tilbake til fantasien sin.
I følgje Pete Townshend i boka Lyrics av Rikky Rooksby fekk han inspirasjon til songen av eit bilete kjærasten hans hadde på veggen sin av den gamle varietéstjerna Lily Bayliss. Biletet var på eit gamalt postkort frå 1920-åra og nokon hadde skrive på baksida «Her er eit anna bilete av Lily - håpar du ikkje har dette». Mark Wilkerson har sitert Townshend på at songen omhandlar masturbasjon og kor viktig dette er for ein ung mann.[3] Songen nemner derimot ikkje masturbasjon, og det er opp til lyttaren å gjette seg fram til dette.
Remove ads
Andre versjonar
Songen har vorte spelt av David Bowie, samt det argentinske punkbandet Attaque 77 på spansk.
Kjelder
Wikiwand - on
Seamless Wikipedia browsing. On steroids.
Remove ads