Pila

Pila (frå latin Sagitta) er eit stjernebilde på den nordlege himmelhalvkula. Sjølv om Pila er eit stjernebilete som vart namnsett alt i oldtida, har det ingen stjerner som er lysare enn 3. storleiksklasse og har det tredje minste arealet av alle stjernebilete (berre Folen og Sørkrossen er mindre). Det var av dei 48 stjernebileta som vart oppført av astronomen Klaudios Ptolemaios på 100-talet, og er i dag eit av dei 88 moderne stjernebileta. Det ligg nord for ekvator og er synleg alle stader på jorda utanom sør for den sørlege polarsirkelen.

Denne artikkelen handlar om stjernebilete. For øya i Antarktis, sjå Pila i Antarktis.

Pila
Pila
Latinsk namn	Sagitta
Forkorting	Sge
Genitivsform	Sagittae
Symbologi	Frå grekarane
Rektasensjon	19,8333 h
Deklinasjon	18,66°
Areal	80 kvadratgrader nr. 86 av stjernebilda
Stjerner sterkare enn mag. 3	0
Sterkaste stjerne	γ Sge (3,47. mag.)
Meteorsvermar
Tilgrensande stjernebilde	Reven Herkules Ørna Delfinen
Synleg mellom breiddegradane +90° og −70°

Pila ligg innafor Mjølkevegen og grensar til Reven, Herkules, Ørna og Delfinen.

Stjernebiletet Pila slik det er for det nakne auga.

Stjerner

Dei følgjande er lyssterke stjerner i Pila:

• α Sge: òg kalla Sham, og er ei gul, lys kjempestjerne med spektralklasse G1 II 430 lysår frå jorda.
• γ Sge: er ein kjølig kjempe (M0 III) som ligg 258 lysår frå jorda.
• δ Sge: M2 II+A0 V
• ε Sge: G8 III, eit stjernesystem med fire komponentar. Den eine komponenten er optisk.
• η Sge: har spektralklasse K2 III.

Djupromsobjekt

• M71 er ein særs laus kulehop og tidlegare trudd å vere ein tett open hop. Han ligg kring 13 000 lysår frå jorda og vart først oppdaga av den franske astronomen Philippe Loys de Chéseaux i 1745 eller 1746.

Bakgrunnsstoff

Wikimedia Commons har multimedia som gjeld: Pila

• The Deep Photographic Guide to the Constellation: Pila
• Star Tales – Pila
• Pila på Constellation Guide