Premuda

Premuda er ei lita øy i Adriahavet i Kroatia. Ho høyrer til dei nordlege dalmatiske øyane, og ligg nordvest for byen Zadar. Premuda er om lag 10 km lang, og har eit areal på 9,2 km². Ho ligg sørvest for øyane Silba og nordvest for Škarda. Administrativt høyrer Premuda til kommunen Zadar i Zadar fylke.^[2][3]

Premuda
Hamna på Premuda
Geografi
Stad	Adriahavet
Koordinatar	44°20′N 14°36′E
Areal	8,66 km²
Høgaste punkt	Vrh (88 moh.)
Administrasjon
Land	Kroatia
Fylke Kommune	Zadar Zadar
Demografi
Folketal	65 (2021[1])

Landsbyen Premuda har vel 50 innbyggjarar, men dette talet aukar mykje på sommaren. I landsbyen dyrkar ein oliven og avlar sauer, og dei siste åra har turismen på øya auka. Det ligg tre restaurantar på øya.

Premuda er ein populær stad for dykkarar, og har nokre svært populære dykkestader. «Katedrala» er eit system av grotter med vakkert lys som skin gjennom det porøse taket i grottene. Ein annan populær dykkestad er vraket av det austerriksk-ungarske slagskipet Szent István, som ligg på eit djup omkring 40-60 meter og derfor berre tilgjengeleg for erfarne dykkarar.

Folketal

Folketalet på øya ved dei siste folketeljingane var:

	Folketal 2001[4]	Folketal 2011[5]	Folketal 2021[1]
Premuda	58	64	65