Prince Charming

Prince Charming er det tredje studioalbumet til Adam and the Ants, og det siste oppført under dette namnet. Framtidige album vart berre tilskrivne Adam Ant. Albumet kom ut i november 1981. Dette albumet vart spelt inn med bassisten Gary Tibbs i staden for Kevin Mooney, som hadde spelt bass på Kings of the Wild Frontier. Albumet inneheld dei to listetoppane til bandet i Storbritannia, «Stand and Deliver» og «Prince Charming», i tillegg til «Ant Rap».

Prince Charming Studioalbum av Adam and the Ants
Utgjeve	2. november 1981
Studio	Air Studios i London i England
Sjanger	New wave
Lengd	37:21
Selskap	CBS
Produsent	Chris Hughes
Adam and the Ants-kronologi
Kings of the Wild Frontier (1980)	Prince Charming	Friend or Foe (1982)
Singlar frå Prince Charming
«Stand and Deliver» Utgjeve: April 1981 «Prince Charming» Utgjeve: September 1981 «Ant Rap» Utgjeve: Desember 1981

Albumet nådde andreplassen på den britiske albumlista og fekk middels mottaking frå kritikarane.

Songen «Five Guns West» vart nytta i Roger Corman-filmen Five Guns West.

Utgjeving

Prince Charming kom ut i november 1981 på CBS Records. Albumet inneheld to singlar som begge gjekk til topps på den britiske singellista, «Stand and Deliver» (med ein annan slutt enn singelversjonen) og «Prince Charming», som nådde toppen av lista i høvesvis april og september 1981. Singelen «Ant Rap» nådde tredjeplassen på lista i januar 1982, då han vart remiksa.

Albumet vart ommastra og gjeve ut på ny i 2004 med seks bonusspor.

Mottaking

Meldingar
Karakter
Kjelde	Karakter
AllMusic	[1]
Rolling Stone	[2]
Smash Hits	[3]
Trouser Press	unfavourable[4]

Ian Birch skreiv i Smash Hits i november 1981 om albumet og gav det fem av ti. Han sa «Borte er dei sterke melodiane som gjorde Kings of the Wild Frontier så avhengigheitsskapande. I staden er her utførlege detaljar (introane er høgdepunkta her)...Overflata kan sjå glatt ut, men det er ikkje ei erstatning for gode songar.»^[3] I ei seinare melding skreiv Stephen Thomas Erlewine i AllMusic at «songane er berre ikkje der», og at «det har ein stil og lyd, som når ein ser attende på det, ikkje er så galen»,^[1] medan Rolling Stone kalla det «nøyaktig det same albumet som Kings of the Wild Frontier, om ein ser bort frå at omslaget er blått.»^[2] Trouser Press kalla det «skuffande» og at «mykje av plata verkar tvungen, grettent og dumt.»^[4]

Påstått plagiat

Songen «Prince Charming» har ein sterk musikalsk likskap til Rolf Harris-songen «War Canoe» frå 1965 og i mars 2010 hevda Harris på BBC Radio 5 Live-programmet Danny Baker Show at dei hadde kome til semje utanfor retten om ein større sum honorar etter at ein musikkforskar kom fram til at dei to songane var musikalsk identiske.^[5] «Prince Charming»-produsenten Chris Hughes har sagt at Harris trekte attende søksmålet «med litt knising» då Adam Ant peikte på at begge songane låner kraftig frå ei gammal Maori-innspeling av ein 'War Canoe'-aktig song.^[6]

Innhald

Alle spor skrivne av Adam Ant og Marco Pirroni

Side A

Nr.	Tittel	Lengd
1.	«Scorpios»	2:46
2.	«Picasso Visita el Planeta de los Simios»	3:28
3.	«Prince Charming»	3:18
4.	«Five Guns West»	5:02
5.	«That Voodoo!»	4:18

Side B

Nr.	Tittel	Lengd
1.	«Stand and Deliver»	3:35
2.	«Mile High Club»	2:42
3.	«Ant Rap»	3:26
4.	«Mowhok»	3:28
5.	«S.E.X.»	3:50
6.	«The Lost Hawaiians» (ikkje oppført spor - ein instrumental nyinnspeling av «Los Rancheros» frå Kings of the Wild Frontier)	1:05

Bonusspor på 2004-utgåva

Nr.	Tittel	Lengd
12.	«Prince Charming» (Demo)	3:09
13.	«Stand and Deliver» (Demo)	3:04
14.	«Showbiz» (Demo)	3:07
15.	«Picasso Visits the Planet of the Apes» (Demo)	3:21
16.	«Who's a Goofy Bunny Then?» (Demo)	4:24
17.	«Scorpio Writing» (Demo)	3:20

Medverkande

Adam and the Ants

• Adam Ant – vokal, bass, munnspel
• Marco Pirroni – gitar
• Merrick – trommer, produsent, akustisk gitar på «Prince Charming»
• Terry Lee Miall – trommer
• Gary Tibbs – bass

Teknisk

• Ross Cullum – lydteknikar

Salslister

Liste (1981–82)	Plassering
Australske album (Kent Music Report)[7]	7
Canada Top Albums/CDs (RPM)[8]	45
Nederlandske album (MegaCharts)[9]	5
Tyske album (Offizielle Top 100)[10]	21
Den japanske albumlista (Oricon Albums Chart)[11]	51
Newzealandske album (Recorded Music NZ)[12]	43
Svenske album (Sverigetopplistan)[13]	29
Britiske album (OCC)[14]	2
US Billboard 200[15]	94
US Cash Box Top 200[16]	85