Røssvatnet

Røssvatnet i Nordland er med eit areal på 219 km² den nest største innsjøen i Noreg. Innsjøen har det sørsamiske namnet Reevhtse.^[1]

Røssvatnet (Reevhtse)
innsjø
Røssvatnet sett frå Hattfjelldal mot Lukttinden og Dårtinden Foto: Erlend Bjørtvedt
Land	Noreg
Fylke	Nordland
Kommunar	Hattfjelldal, Hemnes
Høgd over havet	371–383 moh.
Areal	190−218,61 km²
Middeldjupn	66,3−67,7 m
Største djupn	231−240 m
Volum	12,6−14,8 km³
Kystlengd1	256,37 km
Koordinatar	65°46′34″N 14°01′57″E
Røssvatnet 65.78406°N 14.00832°E / 65.78406; 14.00832
Wikimedia Commons: Røssvatnet
1 Kystlengd er eit unøyaktig mål som kanskje ikkje er standardisert for denne artikkelen.

Røssvatnet ligg i kommunane Hattfjelldal og Hemnes i Nordland fylke, 383 meter over havet. Røssvatnet renn ut i Ranfjorden ved Korgen gjennom Røssåga. Vatnet vart regulert i 1957. Ved reguleringa vart vatnet demt opp 9 meter, og arealet auka slik at Røssvatnet passerte Femunden på lista over dei største innsjøane i Noreg. Tustervatnet blei no ein del av innsjøen. Magasinvolumet er noko større (2,3 milliardar kub. m.), enn oppdemma volum (2,2 milliardar kub. m.).

Ved Røssvatnet er det funne spor av busetjing heilt attende til steinalderen. Gardane langs Røssvatnet vart i hovudsak rydda utover 17- og 1800-talet. Mange av dei mista mykje dyrka jord ved reguleringa på 1950-talet.

Flyfoto av den nordlege delen av Røssvatnet