Raised on Radio

Raised on Radio er det niande studioalbumet av det amerikanske rockebandet Journey, gjeve ut i april 1986 på Columbia Records. Det er det einaste Journey-albumet utan bassisten Ross Valory, som her vart erstatta av studiomusikarane Randy Jackson og Bob Glaub. Trommeslagaren Steve Smith bidrog på eit par spor, men vart sidan erstatta av Larrie Londin og Mike Baird.

Raised on Radio Studioalbum av Journey
Språk	engelsk
Utgjeve	21. april 1986
Innspelt	Oktober til desember 1985
Studio	Record Plant i Sausalito i California og Fantasy Studios i Berkeley i California
Sjanger	Rock
Lengd	44:13
Selskap	Columbia
Produsent	Steve Perry[1]
Journey-kronologi
Frontiers (1983)	Raised on Radio	Greatest Hits (1988)
Singlar frå Raised on Radio
«Be Good to Yourself» Utgjeve: April 1986 «Suzanne» Utgjeve: Juni 1986 «Girl Can't Help It» Utgjeve: August 1986 «I'll Be Alright Without You» Utgjeve: Desember 1986 «Why Can't This Night Go On Forever» Utgjeve: April 1987

Meldingar
Karakter
Kjelde	Karakter
AllMusic	[2]

Albumet inneheldt tre topp 20-singlar i USA: «Girl Can't Help It» (nr. 17), «I'll Be Alright Without You» (nr. 14) og «Suzanne» (nr. 17). Det inneheldt òg topp 10-singelen «Be Good to Yourself» (nr. 9)^[3] Albumet nådde fjerdeplassen på Billboard 200-lista,^[4] og selde til dobbel platinaplate i USA.^[5]

Bakgrunn

Raised on Radio kom ut tre år etter Frontiers (1983). I 1984, gav både gitaristen Neal Schon og songaren Steve Perry ut album kvar for seg. Schon i bandetHSAS (Through the Fire) og Perry med det første soloalbumet sitt, Street Talk. Perry vurderte å forlate Journey etter Street Talk, som han omtalte som noko av det kjekkaste han hadde gjort. Perry valde å kome attende til Journey etter å ha hatt ein telefonsamtale med klaverspelaren Jonathan Cain, som ønskte å arbeide med han på nokre uferdige songar.^[6]

Etter at Perry kom attende til Journey, byrja han å ta meir kontroll over retninga til bandet. Bassisten Ross Valory og trommeslagaren Steve Smith fekk begge sparken frå bandet, mot ønska til managerenHerbie Herbert. I følgje Perry, var ikkje Valory og Smith «nøgde med å spele den typen musikk me spelte og ønskte ikkje å turnere».^[6] Smith sa seinare opp den tidlege innspelingsprosessen: «Det var mykje press om å gjere det slik Steve Perry ønskte det, som eg hadde mykje problem med fordi eg meinte det burde vere ei gruppeinnspeling, slik dei andre platene våre hadde vore.»^[7] Valory og Smith vart erstatta av ymse studiomusikar på innspelinga av Raised on Radio, inkludert Randy Jackson (bassgitar) og Larrie Londin (trommer). I VH-1-programmet Behind the Music om bandet, sa Perry at han angra på avgjersla si. Smith spelte inn tre spor med Journey på albumet, og han og Valory fekk honorar frå plata og den påfølgjande turneen. Begge kom attende til Journey i 1995.

Bandet meinte at Perry, som hadde synt at han kunne fungere som produsent på Street Talk, var det beste valet til å produsere albumet. I følgje Perry gav dette resten av bandet så mykje kunstnarisk kontroll som dei kunne få: «Journey veit korleis det skal høyrast ut, så me var alle samde om at eg ville vere ein bra, trygg og ikkje-diktatorisk produsent.»^[6]

Perry endra originaltittelen på prosjektet frå Freedom til Raised on Radio, som irriterte Herbert og somme av bandmedlemmane, sidan det ikkje følgde det faste mønsteret deira om å ha albumtitlar med berre eitt ord.

Studiotrommeslagaren Mike Baird og bassisten/korvokalisten Randy Jackson spelte i staden for Smith og Valory på den påfølgjande turneen.

Innhald

Side ein

Nr.	Tittel	Låtskrivar(ar)	Lengd
1.	«Girl Can't Help It»		3:50
2.	«Positive Touch»		4:16
3.	«Suzanne»	Perry, Cain	3:38
4.	«Be Good to Yourself»		3:51
5.	«Once You Love Somebody»		4:40
6.	«Happy to Give»	Perry, Cain	3:49

Alle spor skrivne av Steve Perry, Jonathan Cain og Neal Schon, utanom der andre er nemnde

Side to

Nr.	Tittel	Låtskrivar(ar)	Lengd
7.	«Raised on Radio»		3:49
8.	«I'll Be Alright Without You»		4:49
9.	«It Could Have Been You»		3:37
10.	«The Eyes of a Woman»		4:32
11.	«Why Can't This Night Go On Forever»	Perry, Cain	3:43

Bonusspor på 2006-utgåva

Nr.	Tittel	Lengd
12.	«Girl Can't Help It» (live)	4:17
13.	«I'll Be Alright Without You» (live)	4:57

Medverkande

Bandmedlemmar

• Steve Perry - solovokal, produsent
• Neal Schon - gitar, korvokal, klaverinstrument på spor 10, gitarsynth
• Jonathan Cain - klaverinstrument, korvokal, ekstra vokalproduksjon

Andre medverkande

• Randy Jackson - bass, korvokal på spor 1, 3-9^[8], 12 og 13
• Bob Glaub - bass på spor 2, 10 og 11
• Larrie Londin - trommer på spor 1, 3-9
• Steve Smith - trommer på spor 2, 10 og 11
• Mike Baird - trommer på spor 12 og 13 (berre2006-utgåva)
• Dan Hull - saksofon på spor 2 og 7, harpe på spor 7
• Steve Minkins - perkusjon på spor 3

Produksjon

• Jim Gaines - med-produsent, lydteknikar
• Mark McKenna, Steve Rinkoff - lydteknikar
• Robert Missbach - assisterande lydteknikar
• Bob Clearmountain - miksing i Bearsville Studios og Power Station Studios, New York
• Randy Goodrum - ekstra vokalproduksjon
• Bob Ludwig - mastering i Masterdisk, New York, ommastring
• Brian Lee - ommastring

Salslister

Album År Liste Plassering 1986 Billboard 200 (USA)[4] 4 Den svenske albumlista[9] 16 UK Albums Chart[10] 22 Den sveitsiske albumlista[11] 26 RPM100 Albums (Canada)[12] 39 Den tyske albumlista[13] 53 2006 Oricon Den japanske albumlista[14] 239

Singlar År Tittel Liste Plassering 1986 «Be Good to Yourself» Billboard Hot 100 (USA)[3] 9 Mainstream Rock (USA)[3] 2 RPM100 Hit Tracks (Canada)[15] 43 «Suzanne» Billboard Hot 100 (USA)[3] 17 Mainstream Rock (USA)[3] 11 RPM100 Hit Tracks (Canada)[16] 87 «Girl Can't Help It» Billboard Hot 100 (USA)[3] 17 Mainstream Rock (USA)[3] 9 RPM100 Hit Tracks (Canada)[17] 60 «Raised on Radio» Mainstream Rock (USA)[3] 27 «I'll Be Alright Without You» Billboard Hot 100 (USA)[3] 14 1987 Adult Contemporary (USA)[3] 7 Mainstream Rock (USA)[3] 26 RPM100 Hit Tracks (Canada)[18] 57 «Why Can't This Night Go on Forever» Billboard Hot 100 (USA)[3] 60 Adult Contemporary (USA)[3] 24

Salstrofé

Land	Organisasjon	År	Salstal
USA	RIAA	1989	2x Platinum (+ 2 000 000)[5]
Canada	CRIA	1986	Gull (+ 50 000)[19]