Richard Podolor

Richard Allen Podolor (7. januar 1936–9. mars 2022) var ein amerikansk musikar, plateprodusent og låtskrivar. Karrieren starta som studiomusikar i 1950-åra, og han vart mest kjend som produsent for Three Dog Night.

Richard Podolor
Fødd	7. januar 1936(1936-01-07)
Fødestad	Los Angeles i California i USA
Død	9. mars 2022 (86 år)
Fødenamn	Richard Allen Podolor
Alias	Dickie Podolor Richie Allen
Opphav	USA
Aktiv	1956 til 2000-åra
Instrument	Gitar
Tilknytte artistar	The Pets
Plateselskap	Decca
Verka som	Musikar lydteknikar plateprodusent

Liv og karriere

Podolor vart fødd i Los Angeles 7. januar 1936,^[1] og lærte seg gitar som barn.^[2] Han vart studiomusikar i ein alder av 16 år, og spelte på Bonnie Guitar-hitten «Dark Moon» i 1956. Han gjorde nokre innspelingar som Dickie Podolor på slutten av 1950-åra, og turnerte som medlem av The Pets, ei gruppe som òg inkluderte studiomusikarane Plas Johnson og Earl Palmer. Han spelte på Pets-hitten «Cha Hua Hua Hua» frå 1958. Suksessen hans som musikar gjorde det mogleg for familien å opna eit platestudio, American Recording Company, som i starten vart driven av broren Don Podolor. Saman med trommeslagaren Sandy Nelson spelte Richie Podolor inn ein demo av «Teen Beat», men songen vart teken opp og spelt inn av andre musikarar saman med Nelson og vart ein hit i 1959. Fordi Podolor ikkje vart kreditert som medforfattar på «Teen Beat», krediterte Nelson han seinare som medforfattar på nokre av dei seinare innspelingane sine, mellom anna hitten «Let There Be Drums» frå 1961.

Podolor gav ut innspelingar for Imperial Records tidleg i 1960-åra, under namnet Richie Allen (eller, på ein singel, Dickie Allen). Singelen hans «Stranger from Durango» frå 1960 nådde 90. plassen på Billboard' Hot 100.^[3] Albuma hans frå tidleg i 1960-åra, som leiar for Richie Allen and the Pacific Surfers inneheldt topp studiomusikarar frå Los Angeles som René Hall, Tommy Tedesco, Plas Johnson, Lincoln Mayorga og Sandy Nelson. To av desse Imperial-albuma, The Rising Surf og Surfer's Slide, vart seinare gitt ut på CD.^[2]

Han heldt fram med å spela inn plater under eige namn i tillegg til å jobba som studiomusikar. I midten av 1960-åra arbeidde han i aukande grad som lydteknikar i tillegg til musikar, mellom anna på innspelingar med The Monkees, The Turtles, The Electric Prunes, Grateful Dead og Donovan. Han produserte to studioalbum for Steppenwolf, og var lydteknikar på alle dei tidlege hittane deira, inkludert «Born to Be Wild»,^[4] og produserte Three Dog Night sin «Mama Told Me Not to Come» og «Joy to the World», noko som førte til at han jobba på alle dei følgjande albuma til Three Dog Night.^[5] Andre artistar han jobba med som produsent var mellom anna Alice Cooper, Iron Butterfly, The Dillards, Chris Hillman og Black Oak Arkansas.

Podolor sovna inn 9. mars 2022, 86 år gammal.^[6][7]

Diskografi (produsent)

Three Dog Night

• Captured Live at the Forum (1969) (ABC-Dunhill/MCA)
• It Ain't Easy (1970) (ABC-Dunhill/MCA)
• Naturally (1970) (ABC-Dunhill/MCA)
• Golden Bisquits (1971) (ABC-Dunhill/MCA) – co-produced with Gabriel Mekler
• Harmony (1971) (ABC-Dunhill/MCA)
• Seven Separate Fools (1972) (ABC-Dunhill/MCA)
• Cyan (1973) (ABC-Dunhill/MCA)
• Around the World with Three Dog Night (1973) (ABC-Dunhill/MCA)
• Joy to the World: Their Greatest Hits (1974) (ABC-Dunhill/MCA) – co-produsent with Gabriel Mekler and Jimmy Ienner
• The Best of 3 Dog Night (1982) (MCA) – co-produsent with Gabriel Mekler and Jimmy Ienner
• It's a Jungle (1983) (Passport)

Iron Butterfly

• Live (1970) (Atco)
• Metamorphosis (1970) (Atco)

Blues Image

• «Ride Captain Ride» (1970) (Atco)
• Open (1970) (Atco)
• Red White & Blues Image (1970) (Atco)

The Dillards

• Roots and Branches (1972) (Anthem Records)

Jellyroll

• Jellyroll (1971) (Kapp US, MCA UK and Tyskland)

The Souther-Hillman-Furay Band

• The Souther-Hillman-Furay Band (1974) (Asylum)

Chris Hillman

• Like a Hurricane (1998) (Sugar Hill)

20/20

• Look Out! (1981)

Alice Cooper

• Special Forces (1981) (Warner Bros.)

Phil Seymour

• Phil Seymour (1981)
• Phil Seymour 2 (1982)
• “Prince of Power Pop” (2017)

Dwight Twilley

• The Luck (recorded 1994, released 2001)

Steppenwolf

• Steppenwolf 7 (ABC/Dunhill) (produsent) (1970)
• Gold: Their Great Hits (ABC/Dunhill) (co-produsent w/Bill Cooper) and (produsent) (1970)
• For Ladies Only (ABC/Dunhill) (produsent) (1971)
• 16 Greatest Hits (ABC/Dunhill) (co-produsent w/Bill Cooper) and (produsent) (1973)

John Kay & Steppenwolf

• Paradox (Attic) (1984)

Alcatrazz

• Dangerous Games (1986) (EMI Records)

London

• Playa Del Rock (NOISE/BMG Records) (1990)